PeriyarVision

അയ്യമ്പുഴയിൽ മരത്തിനു മുകളിൽ കുടുങ്ങിയ യുവാവിനെ ഫയർഫോഴ്സ് രക്ഷപ്പെടുത്തി.

അങ്കമാലി: അയ്യമ്പുഴ കൊല്ലക്കോട് മരം മുറിക്കുന്നതിനിടെ മരത്തിനു മുകളിൽ കുടുങ്ങിയ യുവാവിനെ അങ്കമാലി ഫയർഫോഴ്സ് സംഘം സാഹസികമായി രക്ഷപ്പെടുത്തി.

അയ്യമ്പുഴ കടുകുളങ്ങര സ്വദേശിയായ യുവാവാണ് രക്ഷപ്പെട്ടത്. ഇന്ന് രാവിലെ മരക്കൊമ്പ് വെട്ടാനായി മുകളിൽ കയറിയ യുവാവ് കൊമ്പ് മുറിക്കുന്നതിനിടെ മരക്കൊമ്പ് ഒടിഞ്ഞ് ആടി. ഇത് പിടിക്കാനുള്ള ശ്രമത്തിനിടെ കയ്യിലിരുന്ന വാൾ തെറിച്ച് യുവാവിന്റെ കൈയിലും അരക്കെട്ടിലും മുറിവേറ്റു. വാളും നിലത്തേക്ക് വീണു.

തുടർന്ന് യുവാവിന് തനിയെ താഴെയിറങ്ങാൻ കഴിയാതെ ഉയരമുള്ള മരത്തിനു മുകളിൽ കുടുങ്ങുകയായിരുന്നു. നാട്ടുകാർ തുണി ഉപയോഗിച്ച് യുവാവിനെ മരത്തിൽ ബന്ധിപ്പിച്ചെങ്കിലും താഴെയിറക്കാൻ കഴിഞ്ഞില്ല. തുടർന്നാണ് അങ്കമാലി ഫയർഫോഴ്സിനെ വിവരം അറിയിച്ചത്.

ഫയർഫോഴ്സ് എത്തുമ്പോൾ യുവാവ് മരത്തിൽ അള്ളിപ്പിടിച്ച നിലയിലായിരുന്നു. പ്രദേശത്ത് നല്ല മഴയുമുണ്ടായിരുന്നു. അങ്കമാലി ഫയർഫോഴ്സിലെ അസിസ്റ്റൻറ് സ്റ്റേഷൻ ഓഫീസർ സുനിൽകുമാറിന്റെ നേതൃത്വത്തിലുള്ള സംഘം സാഹസികമായി യുവാവിനെ താഴെയിറക്കി.

രക്ഷാപ്രവർത്തന സംഘത്തിൽ ഷിബി എം ബി, ഹരി ജി, അജയൻ ടി എസ്, ശ്രീജിത്ത്, അബീഷ്, ജയൻ, ഷൈജ എന്നിവർ ഉണ്ടായിരുന്നു.

പരിക്കേറ്റ യുവാവിനെ അങ്കമാലിയിലെ സ്വകാര്യ ആശുപത്രിയിൽ പ്രവേശിപ്പിച്ചു.

യുവാക്കളുടെ തലമുണ്ടനും ചെയ്ത സംഭവത്തിൽ 6 പ്രതികൾക്കും പെരുമ്പാവൂർ ജുഡീഷ്യൽ ഒന്നാം ക്ലാസ് മജിസ്ട്രേറ്റ് കോടതി ജാമ്യം അനുവദിച്ചു. പ്രതികളിൽ നാലുപേർ ആഭ്യന്തരമന്ത്രിയുടെ തൂഫാൻ വാരിയേഴ്സ് ബാഡ്ജ് ഉള്ളവർ എന്ന് പ്രതിഭാഗം അഭിഭാഷകൻ കോടതിയെ ബോധ്യപ്പെടുത്തി. ഇതുകൂടാതെ പ്രതികളിൽ ചിലർ ലഹരി കൈവശം വച്ച കേസിൽ ഉൾപ്പെട്ടിട്ടുള്ളവരാണെന്നും പ്രതിഭാഗം പറഞ്ഞു. ഉപാധികളോട് ആണ് കോടതി ജാമ്യം അനുവദിച്ചിട്ടുള്ളത്