Ernakulam Rural Police

ഏവർക്കും ബക്രീദ് ആശംസകൾ

വ്യാജ രേഖ ചമച്ച് അനധികൃത അവയവദാനം : മുഖ്യപ്രതി പോലീസ് പിടിയിൽ. കുന്നത്തുനാട് പെരിങ്ങാലയിൽ വാടകയ്ക്ക് താമസിക്കുന്ന കാസർഗോഡ് കൽനാട് അൽ നിഹാമത്ത് മൻസിലിൽ മുഹമ്മദ് നജീബ് (53) ആണ് റൂറൽ പോലീസിൻ്റെ പിടിയിലായത്. എറണാകുളം റൂറൽ ജില്ലാ പോലീസ് മേധാവി കെ എസ് സുദർശൻ ഐ പി എസ് ൻ്റെ നേതൃത്വത്തിലുള്ള പ്രത്യേക അന്വേഷണസംഘം ഉത്തർപ്രദേശ് ഖാസിയാബാദിൽ നിന്ന് പ്രത്യേക ഓപ്പറേഷനിലൂടെയാണ് ഇയാളെ കസ്റ്റഡിയിലെടുത്തത് ,. പോലീസ് അന്വേഷിക്കുന്നത് അറിഞ്ഞ് മൊബൈൽ ഫോണുകൾ സ്വിച്ച് ഓഫ് ആക്കി ഇയാൾ കടന്നു കളയുകയായിരുന്നു വിമാന മാർഗ്ഗം ഡൽഹിയിലെത്തി. ഇയാളെ പിന്തുടർന് പോലീസും പിന്നാലെ എത്തി. തുടർന്ന് രാത്രി ഖാസിയാബാദിലേക്ക് കടന്ന നജീബിനെ ഞായറാഴ്ച പുലർച്ച നടത്തിയ പ്രത്യേക ഓപ്പറേഷനിലാണ് അന്വേഷസംഘം പിടികൂടിയത്. ഇയാളുടെ ഭാര്യ കുന്നത്ത്നാട് പെരിങ്ങാല ബൈത്തുൽറഹ്മ വീട്ടിൽ റഷീദ കുമാരപുരം മോറക്കാല തടിയൻ വീട്ടിൽ സണ്ണി വർഗീസ്, ഭാര്യ സിനി വർഗീസ്, ചേലക്കുളം കവുങ്ങപ്പറമ്പ് കുഴിക്കാടൻ വീട്ടിൽ സനോജ് എന്നിവരെ എറണാകുളം റൂറൽ ജില്ലയിൽ പിടികൂടിയിരുന്നു. പെരുമ്പാവൂർ എ എസ് പി ഹാർദിക് മീണ ഐ പി എസ് കുന്നത്തുനാട് ഇൻസ്പെക്ടർ എസ് .ശിവലാൽ, സബ് ഇൻസ്പെക്ടർ എം അഭിജിത്ത്, എ എസ് ഐ യു. മുരളീധരൻ സി പി ഒ ഒ. എസ് ബിബിൻരാജ് എന്നിവരും പ്രതിയെ അറസ്റ്റ് ചെയ്ത ടീമിൽ ഉണ്ടായിരുന്നു.

'19 കിലോ കഞ്ചാവുമായി രണ്ട് ഇതര സംസ്ഥാന തൊഴിലാളികൾ പോലീസ് പിടിയിൽ. വെസ്റ്റ് ബംഗാൾ മുർഷിദാബാദ് സ്വദേശികളായ റഫീഖുൽ മൊല്ല (22), മുസ്തഫ മണ്ഡൽ (30) പട്ടിമറ്റം ചൂരക്കോട് ഭാഗത്തുനിന്ന് പെരുമ്പാവൂർ എ എസ് പി യുടെ പ്രത്യേക അന്വേഷണസംഘവും കുന്നത്തുനാട് പോലീസും ചേർന്ന് പിടികൂടിയത്. ജില്ലാ പോലീസ് മേധാവി കെ.എസ് സുദർശൻ ഐ പി എസ് ന് ലഭിച്ച രഹസ്യ വിവരത്തെ തുടർന്നായിരുന്നു പരിശോധന. മുറിയിൽ പ്രത്യേക അറ ഉണ്ടാക്കി അതിലായിരുന്നു കഞ്ചാവ് സൂക്ഷിച്ചിരുന്നത്. കഴിഞ്ഞവർഷം റഫീക്കുൽ മൊല്ലയെ 24 കിലോ കഞ്ചാവുമായി നെടുമ്പാശ്ശേരിയിൽ പിടികൂടിയിരുന്നു.
എ എസ് പി പെരുമ്പാവൂർ എ .എസ് .പി ഹാർദിക് മീണ, ഇൻസ്പെക്ടർ
ശിവലാൽ എസ്.ഐമാരായ എം.
അഭിജിത്ത്, പി.എം
മുഹമ്മദ്,
അബൂബക്കർ, എ.എസ്.ഐ പി.എ അബ്ദുൽ മനാഫ്, സീനിയർ സി പി ഒ മാരായ ടി.എ അഫ്സൽ, ബെന്നി ഐസക്ക്,
റോബിൻ ജോയി, സി പി ഒ മാരായ ഒ.എസ്
ബിപിൻ രാജ്, എബി ഗോപാലൻ,ടോമി തോമസ്,
ധന്യ മുരളി എന്നിവരാണ് അന്വേഷണ സംഘത്തിൽ ഉണ്ടായിരുന്നത്.