Mykarimeen.com

തേങ്ങ വറുത്തരച്ച കൂന്തല് കറി.......

കൂന്തല് ഇഷ്ടമില്ലാത്തവര് ആരുമുണ്ടാവില്ല് ..അപ്പോള് വറുത്തരച്ച തേങ്ങയും ഉരുളക്കിഴങ്ങും കൂടി ആയാലോ....അടിപൊളി അല്ലേ ....ഒന്ന് try ചെയ്തുനോക്കൂ.......ചോറ്,പത്തിരി, ചപ്പാത്തി,പൊറോട്ട,നെയ്ച്ചോര് അങ്ങനെ എല്ലാത്തിനും പറ്റിയ ഒരു കറിയാണിത്.....

ആവശ്യമുള്ള ചേരുവകള്

കൂന്തല് 250gm
മുളകുപൊടി 2.5 spn
മല്ലിപ്പൊടി 2spn
മഞ്ഞള്പ്പൊടി 1tspon
വലിയ ഉള്ളി 1എണ്ണം
ഉരുളക്കിഴങ്ങ് 1എണ്ണം
പച്ചമുളക് 3എണ്ണം
തക്കാളി 1എണ്ണം
ഇഞ്ചി
വെളുത്തുള്ളി
ഉപ്പ്
തേങ്ങ
ചെറിയഉള്ളി 2 or 3 എണ്ണം
ഗ്രാംമ്പൂ
കറുവാപ്പട്ട
മല്ലിയില
കറിവേപ്പില
കടുക്
വെളിച്ചെണ്ണ

ഒരു പാത്രത്തില് കഴുകി വൃത്തിയാക്കിയ കൂന്തല് കഷണങ്ങളെടുത്ത് എരിവിന് ആവശ്യത്തിന് മുളകുപൊടി, മല്ലിപ്പൊടി, മഞ്ഞള്പ്പൊടി, പച്ചമുളക്, ഇഞ്ചി-വെളുത്തുള്ളി Paste, ഉരുളക്കിഴങ്ങ്, അരിഞ്ഞുവെച്ചിരിക്കുന്ന വലിയ ഉള്ളി, ഉപ്പ് , ഗ്രാംമ്പൂ, കുരുമുളകുപൊടി, കറുവാപ്പട്ട,അല്പം വെള്ളം എന്നിവ ചേര്ത്ത് നന്നായി വേവിക്കുക.

ആ സമയംകൊണ്ട് നമുക്ക് തേങ്ങ വറുത്തരക്കാം.അതിനായി ഒരു Panല് അല്പം വെളിച്ചെണ്ണ ഒഴിച്ച് ചുടായാല് അതിലേക്ക് ചിരകിയ തേങ്ങ, മൂന്നോ നാലോ ചെറിയ ഉള്ളി, മൂന്നോ നാലോ ഗ്രാംമ്പൂ, ഒരു കഷണം കറുവാപ്പട്ട എന്നിവ ചേര്ത്ത് നന്നായി വറുക്കുക. ഈ വറുത്ത തേങ്ങ തണുത്തതിനു ശേഷം Mixiയിലിട്ട് വെള്ളം ചേര്ക്കാതെ നന്നായി അരച്ചെടുക്കുക.തേങ്ങ വളരെ കുറച്ചുമതി. ഈ പറഞ്ഞ അളവിന് അരമുറി തേങ്ങ പോലും ആവശമില്ല.

കൂന്തല് നന്നായി വെന്തതിനുശേഷം വറുത്തരച്ച തേങ്ങ ചേര്ത്ത് ഒന്ന് തിളപ്പിക്കുക. അതിനുശേഷം മല്ലിയില, കറിവേപ്പില എന്നിവ ചേര്ത്തിറക്കിവെക്കുക...

ഇനി ഒന്ന് വറവിടുക കൂടി ചെയ്താല് കറി തയ്യാര്. അതിനായി ഒരു Panല് അല്പം വെളിച്ചെണ്ണയൊഴിച്ച് ചൂടായാല് കടുക് പൊട്ടിക്കുക.പൊട്ടിക്കഴിഞ്ഞാല് ചെറുതായി അരിഞ്ഞ ചെറിയ ഉള്ളി ചേര്ത്ത് വഴറ്റുക .ഈ വറവിലേക്ക് കുറച്ച് മുളകുപൊടിയും കറിവേപ്പിലയും കൂടിയിട്ട് കറിയിലൊഴിക്കുക.....

തേങ്ങ വറുത്തരച്ച കൂന്തല് കറി തയ്യാര് .......

മലബാര് ഫിഷ് കറി:-
*********************************
മീൻ ( അയല ,നെയ്മീൻ ,ആവോലി )- 1/2 കിലോഗ്രാം
ചുവന്നുള്ളി - 8 എണ്ണം
തക്കാളി - 1 വലുത്
ഇഞ്ചി നീളത്തിൽ അരിഞ്ഞത് - 1 ചെറിയ കഷ്ണം
വെളുത്തുള്ളി അരിഞ്ഞത് - 3 അല്ലി
പച്ചമുളക് - 3 എണ്ണം
കറി വേപ്പില - 3 തണ്ട്
പിരിയൻ മുളകുപൊടി - 1 ടേബിൾ സ്പൂണ്
മഞ്ഞൾ പൊടി - 1 ടീസ്പൂണ്
ഉലുവ - 1/2 ടീസ്പൂണ്
പുളി - 1 ചെറുനാരങ്ങ വലിപ്പം
ഉപ്പ് ,ഓയിൽ - ആവശ്യത്തിന്
അരയ്ക്കാൻ
****************
തേങ്ങ ചിരകിയത് - 1/2 മുറി
പെരുംജീരകം - 1/4 ടീസ്പൂണ്
മഞൾ പൊടി - 1/4 ടീസ്പൂണ്
ചുവന്നുള്ളി - 2 എണ്ണം
തേങ്ങ ,പെരും ജീരകം ,മഞ്ഞൾ പൊടി ,അല്പം വെള്ളവും ചേർത്ത് നന്നായി അരച്ചെടുക്കുക .ഇതിലേക്ക് ചുവന്നുള്ളിയും ചേർത്ത് ഒന്ന് കൂടെ അരച്ച് പാത്രത്തിലേക്ക് മാറ്റി വെക്കുക.
ഉണ്ടാക്കുന്ന വിധം
*********************
മന്ച്ചട്ടി അടുപ്പിൽ വെച്ച് ചൂടാവുമ്പോൾ വെളിച്ചെണ്ണ ഒഴിച്ച് ഉലുവ പൊട്ടിക്കുക .ശേഷം ചുവന്നുള്ളി ,ഇഞ്ചി ,വെളുത്തുള്ളി ,
കറി വേപ്പില എന്നിവ ചേർത്ത് നന്നായി വഴറ്റുക .
വഴണ്ടതിനു ശേഷം തക്കാളിയും ,പച്ചമുളകും ചേർത്ത് എണ്ണ തെളിയും വരെ വഴറ്റുക .മുളക് പൊടിയും ,മഞ്ഞൾ പൊടിയും ചേർത്ത് നന്നായി മൂപിക്കുക .
ശേഷം പുളി പിഴിഞ്ഞതൊഴിക്കാം .ഉപ്പു് ആവശ്യത്തിനിട്ടു കൊടുക്കാം .ഇത് തിളച്ചു തുടങ്ങിയാൽ തീ കുറച്ചു കഴുകി വെള്ളം വാർത്തു വെച്ച മീൻ കഷ്ണങ്ങളിട്ട് കൊടുക്കാം . തവി കൊ ണ്ട് പതുക്കെ ഒന്നിളക്കി കൊടുത്തു മൂടി വെച്ച് വേവിക്കുക . ശേഷം മൂടി തുറന്നു അരപ്പും ,1/2 കപ്പ് വെള്ളവും കൂടി ഒഴിച്ച് ചട്ടി ഒന്ന് ചുറ്റിക്കുക.കറി നന്നായി തിളപ്പിക്കുക . കറി വേപ്പില ഇട്ടു കൊടുക്കാം .കറി തിളച്ചു പാകമായാൽ തീ അണക്കുക .
ഒരു പാൻ ചൂടാക്കി അല്പം വെളിച്ചെണ്ണ ഒഴിച്ച് ചുവന്നുള്ളി ,വേപ്പില മൂപിച്ചു കറിയിൽ ഒഴിച്ച് ചൂടോടെ സെർവ് ചെയ്യാം

കടപ്പാട് :- അമ്മച്ചിയുടെ അടുക്കള