Unsiiyat

🏴🏴

غزل/Ghazal
مجھ کو لوٹ آنے کی امید دلاتا ہوا شخص
کتنا معصوم نظر آتا ہے جاتا ہوا شخص
Mujh Ko Laut Aane Ki Ummiid Dilaata Hua Shakhs
Kitna Maasoom Nazar Aata Hai Jaata Hua Shakhs

پہلے کچھ دیر تو اس راہ پہ آیا تھا نظر
جانے کس سمت گیا دور سے آتا ہوا شخص
Pahle Kuch Der To Is Raah Pe Aaya Tha Nazar
Jaane Kis Samt Gaya Duur Se Aata Hua Shakhs

بجلیاں گرنے کو بے تاب ہیں زلفوں پہ تری
مر نہ جائے تری تصویر بناتا ہوا شخص
Bijliyaañ Girne Ko Betaab Hain Zulfon Pe Teri
Mar Na Jaaye Teri Tasveer Banata Hua Shakhs

کس نزاکت سے یہ مٹی کو دیے ہے پیکر
کوزہ گر دیکھ ذرا چاک گھماتا ہوا شخص
Kis Nazakat Se Ye Mitti Ko Diye Hai Paikar
Kozagar Dekh Zara Chaak Ghumata Hua Shakhs

سو دفعہ آنکھ ملی ریل میں بیٹھے بیٹھے
لیکن اوجھل نہ ہوا ہاتھ ہلاتا ہوا شخص
Sau Dafa Aankh Mali Rail Mein Baithe Baithe
Lekin Ojhal Na Hua Haath Hilaata Hua Shakhs

کب کہا میں نے سفر میں وہ مرے ساتھ چلے
خود ہی گمراہ ہوا راہ دکھاتا ہوا شخص
Kab Kaha Maine Safar Mein Wo Mere Saath Chale
Khud Hi Gumraah Hua Raah Dikhaata Hua Shakhs

کتنا کھلتا ہے نگاہوں میں ستاروں کی ذُہیب
میری پیشانی پہ اک چاند اگاتا ہوا شخص
Kitna Khalta Hai Nighaon Mein Sitaron Ki Zohaib
Meri Peshani Pe Ik Chaand Ugaata Hua Shakhs

-

Shaheen Abbas