Travel Compass

🌱കടപ്പാറ വെള്ളച്ചാട്ടം 🌱 (ആലിങ്കൽ വെള്ളച്ചാട്ടം)

തൃശ്ശൂർ ടൗണിൽ നിന്നും പാലക്കാട് ടൗണിൽ നിന്നും ഏകദേശം 50 കിലോമീറ്റർ ദൂരം വരും . പാലക്കാട് ജില്ലയിലെ മംഗലം ഡാം അണക്കെട്ടിൽ നിന്നും 7 കിലോമീറ്റർ അകലെ സ്ഥിതിചെയ്യുന്നു . വെള്ളച്ചാട്ടത്തിന് 200 മീറ്റർ അടുത്തു വരെ ഇപ്പോൾ വാഹനങ്ങൾക്കു എത്തിച്ചേരാൻ സാധിക്കും . മുൻപ് 5 കിലോമീറ്റർ നടന്നു ചെല്ലണമായിരുന്നു . അതുകൊണ്ട് തന്നെ പുറമെ നിന്നു ആരും വന്നിരുന്നില്ല . ഇപ്പോൾ യാത്രസൗകര്യം വന്നതോടെ കൂടുതൽ ആളുകൾ എത്തിത്തുടങ്ങി . വനത്തിനോട് ചേർന്നു വെള്ളച്ചാട്ടം ഒഴുകുന്നതിനാൽ സമ്പൂർണ പ്ലാസ്റ്റിക് നിരോധനമേഖലയാണ് . | തൃശ്ശൂർ - പാലക്കാട് ഹൈവേയിൽ നിന്നും വടക്കഞ്ചേരി മംഗലം പാലം വഴി മംഗലം ഡാമിലേക്ക് വന്നു പൊൻകണ്ടം - കടപ്പാറ റോഡിലൂടെ സഞ്ചരിച്ചു ആലിങ്കൽ ( കടപ്പാറ ) വെള്ളച്ചാട്ടത്തിൽ എത്തിച്ചേരാം..