Newposts.ge

🚨 მძლავრი 7.8 მაგნიტუდის მიწისძვრა და ცუნამი ფილიპინებში - დაღუპულია სულ მცირე 19 ადამიანი, ასობით კი დაშავდა

🇵🇭 ორშაბათს, ფილიპინების სამხრეთ სანაპიროსთან წელს ყველაზე ძლიერი, 7.8 მაგნიტუდის სიმძლავრის მიწისძვრა მოხდა, რამაც რეგიონში ერთმეტრიანი ცუნამი გამოიწვია. სტიქიას, ბოლო მონაცემებით, სულ მცირე 19 ადამიანის სიცოცხლე ემსხვერპლა, ხოლო 200-ზე მეტი დაშავდა - მათი უმეტესობა შენობების ჩამონგრევას ემსხვერპლა. განსაკუთრებით მძიმე ვითარებაა მსხვილ საპორტო ქალაქ გენერალ-სანტოსში, სადაც ნანგრევებში მოყოლილ ადამიანებს, მათ შორის სკოლის მოსწავლეებს ეძებენ, მინიმუმ 12 პირი კი ამ დრომდე დაკარგულად ითვლება.

💥 მიწისძვრის ბიძგები იმდენად ძლიერი იყო, რომ ძლიერი პანიკა გამოიწვია და შენობების დატოვებისას ქაოსი შეიქმნა. მათ შორის სასწავლებლებში 100-ზე მეტი მოსწავლე დაშავდა ან შიშისგან გონება დაკარგა.

ინფრასტრუქტურის სერიოზული დაზიანების გამო დროებით დაიკეტა გენერალ-სანტოსის საერთაშორისო აეროპორტი და გაუქმდა ათეულობით ავიარეისი. მიწისძვრის შედეგად გამოწვეული ცუნამის ტალღები, ფილიპინების გარდა, დაფიქსირდა ინდონეზიაში, პალაუსა და შორეულ იაპონიაშიც.

🇵🇭 ქვეყნის პრეზიდენტმა ფერდინანდ მარკოს უმცროსმა დაზარალებულ პროვინციებში სასწავლო პროცესი დაუყოვნებლივ გააუქმა და მაშველებს სამუშაოების ფორსმაჟორში დაწყება უბრძანა. სეისმოლოგები მოსახლეობას აფრთხილებენ, რომ საფრთხე ჯერ არ გასულა, რადგან რეგიონში ისევ ფიქსირდება 6.5 მაგნიტუდის სიმძლავრის განმეორებითი ბიძგები (აფთერშოკები), რამაც შესაძლოა დაზიანებული სახლების საბოლოო ჩამონგრევა გამოიწვიოს.

შეგახსენებთ, რომ ფილიპინები წყნარი ოკეანის „ცეცხლოვან რგოლში“ მდებარეობს, რის გამოც ქვეყანა სეისმურად ერთ-ერთ ყველაზე აქტიურ და საშიშ ზონად ითვლება.

🎬 სოციალურ ქსელში ვრცელდება ვიდეო თუ როგორ ჩამოინგრა ფილიპინებში ძლიერი მიწისძვრის დროს სწრაფი კვების რესტორანი „Jollibee“