HD Media

Warbixin: Isku-shaandhayn iyo Magacaabis Cusub oo dhawaan soo baxaysa

Hargeysa – Waxaa si weyn loo hadal hayaa isku-shaandhayn, isku-beddel iyo magacaabis cusub oo Madaxweynaha la filayo inuu ku dhammaystiro qaab-dhismeedka xukuumaddiisa. Tallaabadan ayaa imanaysa kadib markii dhaliilo kala duwan loo jeediyay qaar ka mid ah masuuliyiinta hadda xilalka haya, kuwaas oo lagu qiimeeyay waxqabadkooda, hufnaanta hay’adaha ay maamulaan, iyo doorkooda ku aaddan xasilinta iyo matalaadda beelaha ay ka soo jeedaan.

Wararka laga helayo ilaha siyaasadeed ayaa sheegaya in dib-u-eegis lagu sameeyay heerarka waxqabad ee wasaaradaha iyo hay’adaha dawladda, taas oo saldhig u noqotay go’aamada la filayo in dhawaan la shaaciyo.

Dhanka kale, beelaha bariga Hargeysa ayaa si weyn u muujiyay cabasho la xidhiidha saamiga ay ka heleen magacaabistii h**e ee xukuumadda. Waxay tilmaameen in ay ahaayeen bulsho si muuqata u garab istaagtay Madaxweynaha xilligii uu mucaaridka ahaa, isla markaana door muhiim ah ka qaadatay marxaladihii adkaa ee siyaasadeed.

Ilo xog-ogaal ah ayaa sidoo kale xaqiijinaya in masuuliyiin h**e loogu yiqiin hawlkarnimo iyo mabda’ adag ay suuragal tahay inay ka dhex muuqdaan magacaabista cusub. Waxaa si gaar ah loo hadal hayaa siyaasiga Hamse Gaaxnuug, oo la filayo inuu door ka helo isbeddelada la qorsheeyay.

Wararku waxay intaa ku darayaan in taageero ballaadhan uu ka haysto beelaha waaweyn ee gobolka Maroodijeex, isla markaana ay socdaan qabanqaabooyin lagu soo dhaweynayo haddii uu ka mid noqdo masuuliyiinta la magacaabayo.

Guud ahaan, isbeddelladan la filayo ayaa loo arkaa kuwo lagu xoojinayo waxqabadka xukuumadda, laguna dheellitirayo matalaadda bulshada, iyadoo indhaha lagu hayo sida ay u saamayn doonaan xaaladda siyaasadeed iyo kalsoonida shacabka.

Sabwanaag Media