Foot

من التناقضات لي قد ما نخم ما لقيتلهاش حل انو عند زيارتي لفرنسا لقيت روحي نهدر باللهجة تاعنا مع الشرطة و امن المطار و الموظفين و حتى في الشوارع حسيت روحي فالمحروسة لولا العلم الفرنسي لي كنت نشوفو في بعض الأحيان
ايا غير ترفد كابطك و تلحق للمطار و بالضبط "ايغ الجيغي " تلقاهم انت تسألهم بالعربية هوما يرجعولك بالفرنسية نقولو بالاك جابو ولاد فرنسا و هما لي حاكمينها و ما يعرفوش عربية ولا حرج في ذلك ، الكارثة تلحق للجزائر لي رانا غالقينها على معظم سكان الكوكب يعني غير حنا في حنا و تلقاهم يحكيو معاك بالفرنسية مالgري عايرناهم فالفايسبوك و مازال
ما فهمتش بكري يقولو هذا نوع من انعدام الشخصية و عقدة الاجانب و الاحساس بالدونية لكن هذا ممكن يكون صحيح لو حتى الجزائريين لي فالخارج يكوفو رواحهم غير بالفرونسي و كما قلنا اعلاه هذا غير صحيح ، المهم كي ماقدرتش نفهم هزيت معايا كمشة تمر و بديت ناكل فيها و قلت لمخي بدلنا السوجي الباgاج لي خليناه وقتاه نرجعو ندوه
#خواطر #الرامول اون بغسون افونصي ميسيو سيلتو بلي