Fuad Ibrahimov

Mahyaddinli - təşəkkür edirəm!

“Düşünürəm ki, orkestrin yüksək səviyyədə ifasına maneə yaradan bütün mövcud nüansları aradan qaldırmaq üçün hamımız var qüvvəmizlə çalışmalıyıq... Axı bu orkestr dahi Üzeyir bəyin adını daşıyır”.

“Peşəkarlığa gedən yolu ancaq özünütənqid müşayiət etməlidir”.

“Yaradıcı prosesin uğurla nəticələnməsinin təmini üçün dirijora və orkestrə geniş imkanlar yaradılmalıdır. A nöqtəsindən B nöqtəsinə yol qət edərkən çətinliklər qaçılmazdır. Lakin hərtərəfli dəstəyin mövcudluğu buradakı ən böyük güc və stimul qaynağına çevrilə bilər”.

Dirijorluq sənəti yüksək fədakarlıq və davamlılıq, zəhmət tələb edən, nəticədə isə hər zaman eyni ölçüdə qiymətləndirilməyən, bəzənsə layiqi dəyəri tamamilə görməyən sənət növüdür. Rusca belə bir söz birləşməsi var: неблагодарная профессия. Bütün qüvvəni sərf edərək çalışmaq və tənqidlərə sinə gərmək şübhəsiz ki, asan deyildir. Lakin bu təbiidir; əslində bu sənətin məxsusiliyi də ondadır, fikrimcə. Gəlin bu peşənin dahi və mötəbər nümayəndələrini xatırlayaq... Belə anlaşıla bilər ki, dirijorluq diktaturadan başqa bir şey deyil. Amma indiki reallığımızda razı salmaq, kompromisə meyilli olmaq bu sənətə yaraşmır. Zənnimcə, hansısa balansı tapmaq və bu yolda irəliləmək lazımdır. Çünki tarazlıq pozulduğu anda uduzan tərəf həmişə ali musiqi olacaq.

Martin Fröst
Orchestre national du Capitole de Toulouse
Productions Sarfati