ENES

Tukutuku Buta katakata ena Tokalau e Loma:

Gauna oqo - US kei Iran (March 8, 2026)

- US kei Isireli: Era sa vanataka oti e sivia na 3,400 na gasaukuro mai na waqavuka ni valu ena vanua o Iran, ka vakacacana na Airport mai Tehran kei na veivanua era tiko kina na base ni mataivalu.
- Iran: E se tomana tiko na kena vanalaki na missile kei na drone ena Gulf, Saudi kei na vei base ni US. Dua na missile e vanataka ki na Prince Sultan Air Base e lutu ga ena vanua sega ni tiko kina na tamata.
- Veivanua ena loma ni Yasayasa ena Middle east: Sa rogo tiko ga na Kacabote ni gasaukuro ena vanua o Tehran, Jerusalemi, kei Baghdad. Na valenivolavola levu ni US mai Baghdad e vakacabote taki ena Katyusha rockets.

- UAE kei Saudi Arabia: matanitu e rua qo e sa intercept taka na drone kei na missile vanataki mai Iran. Na kabani ni waqavuka mai UAE sa tekivu tale na veiqaravi ni a mai cegu tu ena gauna ka vanalaki kina.

Politiki:
- US: Peresitedi Trump e kaya ni “sega na negotiations, na ka ga e vinakati oya me surrender vakadua o Iran.
- Iran: Peresitedi Masoud Pezeshkian e kaya ni na sega ni surrender, ka vakatoka na ka e kaya na US me “dua na tadra ga”.

- Isireli: Prime Minister Netanyahu e kaya ni Isireli sa lewa vakadua tu na maliwa lala mai Tehran.

Na iTuvaki Levu
- Makete: Sa tubu na kena i sau ni waiwai, ka sa tubu talega na kena i sau ni gas mai US , revurevu e sa na tarai viti.
- Mate: Sa vakamatei eso na sotia ni US.

- Rusia: E rogo ni o Rusia e wasea na i tukutuku me vukei Iran ena kena valuti na mataivalu ni US.

Sa dri yani.

Tukutuku Buta Katakata mai na Tokalau e Loma:

O Brigadier General Esmail Qaani (koya tukuni tiko ni mate vata kei nai liuliu mai Iran) e a mai veisosomitaki vei Qasem Soleimani e a dua na turaga ni I Valu cecere mai Iran, O Soleimani (taba toka era) ka liutaka na Quds Force ena loma ni Islamic Revolutionary Guard Corps (IRGC). E kilai levu ena nona vakatulewa ena veivaluvaluti ena Iraq, Siria, Lebanon, kei Yemen, ka vakavuna na kaukauwa nei Iran ena veivanua ena Tokalau e Loma. Qai mai mate o Soleimani ena Nona vuka mai Iran ki Iraq.

Nona mate

• Siga: Ena bogilevu 3 Janueri 2020.

• Vanua: E Baghdad, Iraq, voleka ena Baghdad International Airport na vanua era dau yadrava tu na Sotia ni Viti.

• Sala e mate kina: E a vakamatei ena drone strike ni US Air Force, ka vanataki mai vakadodonu kina Nona motoka ni sa lako mai na airport. Dua na gauna balavu Nona vakasaga toka o Isireli me toboka na Turaga ni valu qo o Soleimani, ni tukuni na kenai tukutuku ni tamata kunekunei dredre. Ia ena siga e vuka mai kina qo mai Iran 🇮🇷, ki Damascus, qai mai delay taki Nona waqavuka me 3 na Yaua baleta me ra kua ni kila na kena meca na nona toso, dau veiveisau taka nona tactics, ia sega ni kilai ni dua na Mossad e cakacaka tiko e Damascus airport qai vakauta mai nai tukutuku ni delay nona waqavuka. Vuka mai Damascus ki Baghdad airport, wawa ena airport e rua na motoka loaloa ka tavaki koya kina e dua na Turaga ni valu cecere ni Iraq o Abu Mahdi. Oti oti ni sobu mai o Soleimani ena waqavuka, rau vodo mai ena motoka, karua ni motoka o ratou na Yadra.

Ratou sega ni kila ni wanonovi ratou tu mai maliwa lala e rua na Drone, control taki Sara tu mai New York, drone qo e rau arm taki tu be na missile e 6 tale na Blade e cariba mai tolona (taba toka era). Oti ga e vitu na miniti nona biu biu mai na Lori ya e matamata ni airport , tavulaki rau kina na drone ya, seleta na lori ka kacabote vata.

🌍 Na kena ibalebale

•Na nona mate e vakavuna na kena sosomitaki o Esmail Qaani me Komada vou ni Quds Force. Koya tukuni tiko tiko nona connection ve na Mossad, ka tukuni talega ni mate, ia sega ni dua na kena veivakadeitaki.

Nai tukutuku butakatakata mai na Tokalau e Loma:

O Ayatollah Ali Khamenei e a liutaka na matanitu o Iran me vaka na Supreme Leader mai na 1989 me yacova na nona mate ena 28 Feperueri 2026. E a mate na Turaga oqo e na vanua o Tehran, kei na so tale na veiliutaki lelevu e Iran ena gauna ra Bose tiko kina. E a sucu ena 1939 mai Mashhad, Iran.

Na nona itukutuku

• Vakaitavi ena 1979 Revolution: vakavuna na kena tauyavutaki na Islamic Republic.

• Komada ni matanitu: E a liutaka na matanitu o Iran me vaka na Supreme Leader ena loma ni 36 na yabaki, ka vakayagataka na kaukauwa vakalotu kei na kaukauwa vakapolitiki. Nona kaukauwa e ulubaleta tale tiko na kaukauwa ni veiliutaki ni Matanitu o Iran.

• Nona vakatulewa: E kilai levu ena nona vakatulewa kaukauwa, ka vakavuna na veivakacacani ena loma ni vanua kei na veivakaleqai ena veivanua ena Tokalau e Loma.

• Nona vakasama: E dau vakatulewa ena veivakacacani kei na veivakaleqai nei rua na matanitu o USA kei Isireli, ka vakalevu na nona vakayagataka na IRGC kei na Quds Force e Iran me tuvalaki kina na Nodra dau Bolobabitu taki na kena meca.

Na nona vakatulewa e a vakavuna na kena kilai na Iran me dua na matanitu kaukauwa ena Tokalau e Loma, ia na Nona mate qo, e ra sa vakadonuya na matanitu o Iran me ra vakaloloku me 40 na siga.

Nona mate, e a tukuni ni mate talega kina nai liu liu ni IRCG & Quds Force, o Esmail Qanni, e tukuni tiko ni sega ni vadeitaki e mate Dina se sega….. tomani nai tukutuku oqo ena post ka tarava me baleta na Turaga o Esmail Qanni ni tukuni ni dua na yamatavuni mai Isireli na Mossad….