Finfinne Times

ጁን 18 ቀን 2011 ዝነኛዋ ድምጻዊት ኤሚ ዋይንሀውስ ፡ በአድናቂዎቿ ዘንድ በታላቅ ጉጉት የሚጠበቀውን ድፍን አውሮፓን የሚያካትት የሙዚቃ ኮንሰርት የምትጀምርበት ቀን ነው ።

ኤሚ ይህን የአውሮፓ ጉዞ ለመጀመር ያሰበችው በሰርቢያ ዋና ከተማ ቤልግሬድ ነበር ።....
በዛን እለት ይህችን ዝነኛ አርቲስት ለመመልከት ከሀያ ሺህ ሰው በላይ የተገኘ ሲሆን ሁሉም የሙዚቃውን መጀመር እየተጠባበቁ እያለ ፡ ኤሚ ዋይንሀውስ ሚዛኗን በሳተ ሁኔታ አረማመዷን ያዝ እያረጋት ወደ መድረኩ ብቅ አለች ።...........

ሙዚቃዋን ከልባቸው አጣጥመው ፡ በአካል ተገኝታ ልትዘፍን መሆኗ ያስደሰታቸው አድናቂዎቿ ኤሚ ዋይን ሀውስን በታላቅ አድናቆት ተቀበሏት ።

ኤሚ አድናቂዎቿን ካመሰገነች በኋላ ሙዚቃውን ከመጀመሯ በፊት የሙዚቃ መሳሪያ ይዘው የሚያጅቧትን የባንዷን አባላት ማስተዋወቅ ጀመረች ።.....

ጥቂቱን እንደጠራች ግን ስማቸው ጠፋባት ፡ ሁሌም ሳትቀማምስ ወደ መድረክ እንደማትወጣ የሚያውቁት የሙዚቃ ተጫዋቾች የዛሬው ግን የባሰ እንደሆነ ገብቷቸዋል ።.......
እና ከዚህ ሙድ እንድትወጣ ሙዚቃውን ጀመሩላት ፡ ኤሚ ሪትሙን ተከትላ እየደነሰች መዝፈን እንደጀመረች ፡ የራሷ ዘፈን ግጥሞች ጠፉባት ፡...... ሌላ ሙዚቃ ቀየረች ..... እሷም ትዝ አልላት ሲል ግን ራሷም በጣም መስከሯን አወቀች ።.......
በዚህ ሁኔታ አንዱን ዘፈን እየጀመረች ሲጠፋባት. . ሌላውን ስትጀምር ቆየችና የሆነ ደቂቃ ላይ ዝም ብላ ቆመች ። ስክርር ብላለች ።

የኤሚ እንዲህ መሆን አድናቂዎቿን ማበሳጨት ጀመረ ። እሷን በአካል ስትዘፍን ለማየት የመጡት ተመልካቾች በቁጣ መጮህና ማፏጨት ጀመሩ ። የዚህ ጊዜ ኤሚ በመጠጥ ሀይል ማገናዘብ በተሳነው ሁኔታ ተገፋፍታ ጫማዋን በማውለቅ ፡ በንዴት ተመልካቾች ላይ ከወረወረች በኋላ መድረኩን ትታ ሄደች ።.........
በዚህ ምክንያትም በድፍን አውሮፓ ሊካሄድ የነበረው የሙዚቃ ዝግጅት ተሰረዘ ። ይህ አሳዛኝና ፡ አሳፋሪ ድርጊትም የኤሚ ዋይንሀውስ የመጨረሻዋ የሙዚቃ ኮንሰርት ሆነ ። ........

የልጅነትና የሙዚቃ ዘመን መጀመሪያ

በጊዜ እንደምትጠቀለል ታስባለች መሰል ለሁሉም ነገር ፈጥናለች ። ሁሉንም ነገር በጊዜ እና በጣም ታደርግ ነበር ።

ኤሚ ዋይንሀውስ የሙዚቃውን አለም የተቀላቀለችው በልጅነት እድሜዋ ነው ፡ እና የዛኔም በጣም ትችል ነበር ።......
ኤሚ የኛ ትውልድ ካፈራቸው በጣም ጎበዝና እና ልዩ የአለማችን ዘፋኞች መሀከል ዋንኛዋና ጎበዟ ድምጻዊ ነበረች ።.......
ታዲያ ምን ዋጋ አለው ፡ ይህች ፡ አስገራሚ የሙዚቃ ችሎታ በደም ስሯ ውስጥ ያለ ድንቅ ድምጻዊት .... አልኮልና ድራግ እንዳልነበር ተጫወቱባት ።........
ቅድም ሁሉን ነገር በጊዜ ጀምራለች ስንል መጠጥንም ለማለት ነው ። ኤሚ ከመጠጥ ጋር ተዋውቃ ሀይለኛ ጠጭ ስትሆን ገና 13 አመቷ ነበር ።......
የዚህ ዋንኛው ምክንያት ደግሞ የ9 አመት ልጅ እያለች በወላጆቿ መካከል የተፈጠረው አለመግባባትና መለያየት ነው ።

ያ ነገር. .. የኤሚን ህይወት አበላሸው ። በዚህ ምክንያትም በልጅነቷ ዲፕሬሽን ውስጥ መግባት ጀመረች ፡ እንደውም በአንድ ወቅት ... ገና 14 አመት ሳይሞላት ጠርሙስ ውስኪ መጠጣት እንደጀመረች ተናግራ ነበር ።
.....
ኤሚ ገና በልጅነቷ በዚህ መልኩ በአልኮል ሱስ ብትያዝም በዛው መጠን በሙዚቃ ስራዎቿም እጅግ ገናና መሆን ጀምራ ነበር ። በዚህ ሁኔታ ውስጥ እያለችም ፡ የእፅ ሱሰኛ ከሆነው ከባለቤቷ ብሌክ ፊልደር ጋር ተዋወቁ ። ..
ይህ መጥፎ አጋጣሚ ደግሞ ኤሚ ዋይንሀውስ ከመጠጥ ሱስ በተጨማሪ በባለቤቷ አማካኝነት እንደ ሄሮይን እና ኮኬይን ያሉ ጠንከር ያሉ እጾች ጋር እንድትተዋወቅ አደረጋት ።...
ኤሚ ዝናዋ ከጫፍ እስከ ጫፍ በናኘበት ወቅትም በነዚህ በመጠጥ በሲጋራና ፡ እና በእፆች ህይወቷ እየተበላሸ ነበር ።
ከሆነ ጊዜ በኋላ ግን እነዚህም እፆች ለማቆም ብትችልም ከልጅነቷ ጀምሮ የለከፋት የመጠጥ ሱስ ግን ማቆም አቃታት ።......
የሚገርመው ነገር ኤሚ ዋይንሀውስ እንደዚህም ሆና ለሰው አዛኝ እና የተቸገሩ ሰወችን ለመርዳት ወደኋላ የማትል በጣም ደግ የሆነች ወጣት ነበረች ።..
መጠጥ ፡ ሲጋራ እና እፅ በመጠቀም በዚህ ሁኔታ ለአመታት የኖረችው ኤሚ በተለይ በመጨረሻ አካባቢ እንደቀላል ከገባችበት ሱስ ለመላቀቅ መጠጥ ለማቆም እየሞከረች ነበር ።

በዚህ ሁኔታ ውስጥ እያለች ግን አንድ እለት ጠዋት በለንደን በሚገኘው የኤሚ ዋይንሀውስ መኖሪያ ቤት አካባቢ ግርግር ተፈጥሮ ፡ ከበሩ ውጭ ሰው መሰባሰብ ጀመረ ። ......
ችግር እንዳለ ተደውሎላቸው የመጡት ፖሊሶች የተሰበሰበውን ሰው መንገድ እያስከፈቱ ኤሚ ዋይንሀውስ ወደተኛችበት መኝታ ቤት አመሩ ።.......

በ 2003 ላይ ተደርጎ በነበረው የግራሚ አዋርድ ላይ በአንድ ምሽት በተለያዩ ዘርፎች አምስት የግራሚ ሽልማቶችን በማሸነፍ የመጀመሪያዋ እንግሊዛዊት ሴት የነበረችው ኤሚ ዋይንሀውስ. .....
ገና ከልጅነቷ ጀምሮ በአስገራሚ የሙዚቃ ችሎታዋ አድናቂዎቿን ታስደስት የነበረችው ያቺ ድንቅ ድምጻዊት ፡ በአልጋዋ ላይ እንዳለች እጆቿ ተዘረጋግቶ ተኝታለች ።......
ይህን ተከትሎም በእለቱ ፖሊሶች እንዳስታወቁት ከአልጋዋ አጠገብ ሁለት የአልኮል መጠጥ ጠርሙሶች ያገኙ ሲሆን በምርመራ እንደተረጋገጠውም እጅግ ከፍተኛ መጠን ያለው አልኮል መጠጣቷ ለሞት እንዳበቃት ታውቋል ። ...
ጎበዟ የሶል ... R&B እና ጃዝ ድምጻዊ የነበረችው ኤሚ ዋይንሃውስ ከልጅነት ጀምሮ በተፀናወታት የመጠጥ ሱስ ምክንያት ፡ ብዙ መስራት በምትችልበት እድሜ ፡ ገና በ27 አመቷ ፡ ሐምሌ 23ቀን 2011 በሞት ተለየች ። ......
ጥሩ ሚስት እና የልጆች እናት መሆንን ትመኝ ነበር የነበረችውና ህልሟን ሳትኖር አልኮል ሲጋራና እፅ ህይወቷን የቀሟት ኤሚ ዋይንሀውስ ካለፈች በኋላ ችግር ውስጥ ያሉ ወጣቶችን በተለይም በአልኮል እና በዕፅ ሱስ የተጠቁትን ፡ ከሱስ እንዲላቀቁ የሚረዳና የሚያስተምር የማገገሚያ ማእከል በስሟ ተቋቁሞላታል ።.....
እንዲሁም ኤሚ ዋይንሃውስ በለንደን ካምደን ታውን በሚገኘው መኖሪያ ቤቷ አካባቢ በሚገኘውና በጣም ትወደው እና ትመላለስበት በነበረው ታዋቂው ዘ ስቴብልስ የገበያ ቦታ ላይ ከነሀስ የተሰራ ትልቅ ሀውልት ቆሞላታል ❤

Via, [ዋሲሁን ተሰፋዬ]✍️

Telegram፦
📌t.me/Brics4ethiopia

የቀድሞ ከንቲባ ድሪባ ኩማ አንዱ ሚዲያ ላይ ስለ ግብርና ሲያወራ አይቼው፣ ዓይኔ ነው ጆሮዬ ብዬ ሳፈጥ ዓይኔም ጆሮዬም ኖርማል ሆኖ ነገሩ ተረፈ ምርቶችን የመጠቀም [ኦህዴድ]ዊ ስራ ሆኖ አገኘሁት። ጃል ድሪባ በየት በኩል ዞሮ መጡ ብዬ ሳጣራ የኢትዮጵያ ግብርና ባላስልጣን ዋና ዳይሬክተር መሆናቸውን ተረዳሁ። ሌሎች ጓዶቻቸውም ተመልሶ ቦታ ቦታቸውን ይዘዋል። በተለይ አምባሳደር ተብሎ ወጣ ብሎ ከተመለሱ በኃላ ወደ መንግስታዊ መዋቀር መመለሳቸውን ቀጥለዋል።
‎
‎በከር ሻሌ ከኮሪያ መልስ የስታትስቲክስ አገልግሎት
‎ዋና ዳይሬክተር፣ አስቴር ማሞ በአሜሪካ የኢትዮጵያን ድፕሎማሲ የምትመራ ከጓድ ብናልፍ ጀርባ ያለች ዋና ዘዋሪ፣ ሙክታር ከዲር ለተመሳሳይ ተልዕኮ ከደቡብ አፍሪካ ወደ ሳዉዲ ሪያድ ተዛውረዋል። ደሚቱ ሐምቢሣ'ማ [Damma Walalaa] ተብሎ የተዘፈነላትን ድንግል ልጃገረድ መስላለች። ኢትዮጵያን በአምስት አገራት ትወክላለች። [በኢጣሊያ፣ በቫትካን፣ በክሮሺያ፣ በቆጵሮስ፣ በማልታ..] የኢትዮጵያ ባለሙሉ ስልጣን አምባሳደር። ዳባ ደበሌ ለተመሳሳይ ተልዕኮ ጃፓን ቶኪዮ ይገኛሉ።
‎
‎ግርማ ብሩ የብርን ነገር ያማክራሉ። የማክሮ ኢኮኖሚ ቡድንን ይመራሉ። የስንዴውን ጉዳይ ያሳልጣሉ። የቀድሞ ውሃና መስኖ ሚንስትሩ አለማየሁ ተገኑ
‎ ከሞስኮ የአምባሳደርነት ቆይታ መልስ ማስታወሻ ተሸክሞ ፕሬዚዳንት ሽመልስ ስር ኩስ ኩስ ሲሉ ይታያሉ። አማካሪ መኮኑ ነው። አለማየሁ እጅጉ በአዲስ አበባ የካቢኔና የድርጅት ጉዳይ ዋና ፈላጭ ቆራጭ ሆኖ ዓለሙን ይቀጫል። ፍቃዱ ተሰማ ዛሬም ፍቃድ ሰጪና ነሺ ነው። ጀማል አባሶ እስረኞችን ከመከታተል አሽከርካሪዎችን ወደ መቆጣጠር ከሄደ ሰንበትበት ብለዋል። ሞቱማ መቃሳ በአማካሪነት ስም ዛሬም ከውሃ እና ኢነርጂ ሚንስቴር ብዙ መላ ይዝቃል። ዓለሙ ስሜ ዛሬም ዓለሙ ነው።
‎
‎ማን ቀረን...? ጁነይዲን፣ ኩማ እና አባዱለ። ሁለቱ ጡረተኞች ናቸው። ጁነይዲን ደግሞ ንግዱን መርጠዋል።
‎
‎የሆነ ሆኖ ዋናው ኦህዴድ አሁንም አጠገባችን ነው። Recycle አድርጎ መጠቅለያውን ለመቀየር ተሞከረ እንጂ የትም አልሄደም። በተለይ በዞኖች እና ወረዳዎች ይብሰል። አለባበስ፣ አመጋገብ እና አነጋገር ተቀየረ እንጂ ዋናዎቹ ሰዎች አልተቀየሩም። ቢያንስ ገራፊውን ቀይሩልን ያለው ሰውዬ እውነቱን ነው። ልምድ የሌለውን ገራፊ ፈልጎ እኮ ነው😎
‎
‎እስከዚህ ድረስ ከዛሬ ዓመቱ ፖስት የተገረበ ነው፣
‎
‎እናስ፣ ምን አዲስ🙄
‎
‎[ ብልፄ ማነው ብልጤ የማሞ ልጅ ክብርት አስቴር አምሳደርነቱ ይብቃሽና ወደ አገርቤት ተመልሰሽ የእንጦጦ ጠፈር ምርምር ምሪ ስትባል፣ ከጠፈር ይልቅ የጥፍር ነገር ያሳስበኛል አለች አሉ። በዚሁ ንዴት ጥፍር እና ፀጉርን ፍለጋ ከዋሺንግተን ዲሲ ወደ ሚኒሶታ፣ Minneapolis በመኮብለል ጥገኝነት ጠይቀዋል አሉ።] ዉሎ ሲያድሩ ደግሞ ለሰብዓዊ መብት ሲለፋ፣ ሲደክም የኖርሁ፣ የሕዝብ አለኝታ፣ የውስጥ አርበኛ ነበርሁ ይሉንም ይሆናል🤭

አስቱካ ምርጧ፣ ብልጧ የግንቦት ሃያ ፍሬ🌱
እውነትም የማሞ ልጅ!😁
‎
‎ለተጨማሪ መረጃዎች የቴሌግራም ቻናላችንን ይቀላቀሉ

📌 t.me/Fastsinfo99

🌴 🌴 🌴