Awash 90.7 FM

በማኒፉክቸሪንግ ዘርፍ የስራ እድል ተፈጥሮልናል ሲሉ የመሀመድ በድሪ ማኒፉክቸሪንግ ሰራተኞች ተናገሩ።

መሀመድ በድሪ የአልባሳት ማኒፋክቸሪንግ ከተመሰረተ ስድስት አመታትን ማስቆጠሩም ተሰምቷል።

አዋሽ ኤፍ ኤም እንዳጣራው ድርጁቱ ከዋና ገዢዎቹ ጋር እንዲገናኝ የኢትዬጵያ ታምርት ንቅናቄ ጉልህ አስተዋፆ አድርጓል።

ጣቢያችን ይህን ያጣራው መንግስት ኮሙኒኬሽን አገልግሎት ከኢንዱስትሪ ሚኒስቴር ጋር በመተባበር ሚዲያን ከአምራች ኢንደስትሪ ጋር ያገናኛል በተባለው የጉዞ መርሀግብር ላይ ነው።

ድርጅቱ እንዳስታወቀው በአሁኑ ሰአት የሰራተኞች እጥረት የሰው ሀይል እንቅስቃሴውን ገድቦታልም ነው የተባለው።

የኢንዱስትሪ ሚኒስቴር ባደረገው ድጋፍ የሀይል መቆራረጥ መቀነሱን ካይት ማኑፋክቸሪንግ PLC አስታውቆናል።

ካይት ማኑፋክቸሪንግ PLC የሸገር ከተማ ቦታ በማመቻቸቱ ፣ በፉይናንስ አቅርቦት ደግሞ ብድር ከባንክ በመመቻቸቱ እንዲሁም በኢትዩጵያ ኤሌክትሪክ አገልግሎት እና በኢንዱስትሪ ሚኒስቴር አማካኝነት ባለው የሀይል አቅርቦት ስራዬን አከናውኛለሁ ሲል ነው ያሳወቀን።

ካይት ማኑፋክቸሪንግ PLC ከ ሁለት አመት በፊት መመስረቱን እንዲሁም በኢትዩጵያ ታምርት መድረክም ብዙ ደምበኞች ጋር መገናኘቱን ደግሞ ያሳወቁን የድርጅቱ የግዢ እና ሽያጭ ሀላፊ የሆኑት አቶ አሸናፊ ናቸው።

ከተግዳሮትም ጋር በተገናኘ ለገበያው አዲስ መሆን እና የጥሬ እቃ ግብአት እንደ ምክንያትነት ያነሱት ሀላፊው ድርጅቱ በአሁኑ ሰአት ሁለት መቶ ሀያ ቋሚ ሰራተኞች እንዳሉትም ለአዋሽ ኤፍ ኤም ጠቁመውናል።