wedikeshi.wm

🫪🫪🫪🤭😍

በበርካታ የሙዚቃ አፍቃሪያን ዘንድ በከፍተኛ ጉጉት ሲጠበቅ የነበረው የታላቁ የጥበብ ሰው ቴዎድሮስ ካሳሁን (ቴዲ አፍሮ) ስድስተኛ የሙዚቃ አልበም "ኢቶሪካ" ዛሬ ሚያዚያ 8 ቀን 2018 ዓ.ም (8/8/2018) በይፋ ተለቋል። ድምፃዊው ይህንን አዲስ ስራውን በሀገሪቱ በተለያዩ ጊዜያት በማንነታቸው ምክንያት ጥቃት ለደረሰባቸው እና ለተፈናቀሉ ንጹሀን ኢትዮጵያውያን መታሰቢያ እንዲሆን አበርክቶታል።

ቴዲ አፍሮ ከአዲሱ አልበሙ ሽፋን ጋር ባጋራው ይፋዊ መልዕክት ላይ እንዳሰፈረው፣ አልበሙን ግፍ ለደረሰባቸው ወገኖች መጽናኛ እና መታሰቢያ እንዲሆን አስቧል። የጥበብ ሰው በአልበሙ ማስተዋወቂያ ላይ ባሰፈረው መልዕክት፤ "ይህ ሙዚቃ በተለያዩ የሀገራችን ክፍሎች በማንነታቸው ብቻ ተለይተው በግፍ ለተገደሉ ንፁሀን ወገኖቻችን እና እንዲሁም ከቀያቸው ለተፈናቀሉ የአካል እና የስነ-ልቦና ጉዳት ለደረሰባቸው ኢትዮጵያውያን ወገኖቻችን በሙሉ መታሰቢያ ይሁንልኝ" በማለት ጥልቅ የሆነ ሀዘኑን እና አጋርነቱን ገልጿል።

ይህ "ኢቶሪካ" የተሰኘው እና ጥቁር አፍሪካዊነትን በሚያጎላ አርማ (ሎጎ) ያሸበረቀው ስድስተኛው አልበም፣ የህዝብን የልብ ትርታ በማዳመጥ እና ወቅታዊ ሀገራዊ ስሜቶችን በዜማ በማዋዛት የሚታወቀው ቴዲ አፍሮ ዳግም ወደ ሙዚቃው መድረክ የደመቀበት ትልቅ ስራ ነው። የጥበብ ሰውን መልእክት ተከትሎም በርካታ አድናቂዎቹ ለሰብአዊነት ያለውን ተቆርቋሪነት በማድነቅ ላይ ይገኛሉ።