Addo Media Initiative - ADI

Waxkasta oo naasnuujin la isugu dhiibo natiijadiisa waa farqiga labadan u dhexeeya iyo wax kasii xun. Ethiopia inta laguu magacaabo xil yar oo meel uu haystaba aanay jirin, ayaa haddana gaariga, shidaalka, mushaharka iyo waxyaabo kale la isu kaa dul saarayaa, waa in qofku ka dhiigaysto uun, laakiin inputka xilkaa gala ayaa kumanaan jeer ka badan outputka.

117,000 mushaharka ahi waa $700 haddii la badiyo, mushaharka kan labada diyaaradood maamulana waa intaas toban laabkeed! 😂

Ereyga aan ugu necebahay ee luuqadaha ku jira waa ereyga, "Aniga." Dulqaad iyo samir uma lihi aan kusii dhegaysto qof maantaba aniga, aniga, aniga... keliya ku haya. Waa halka ay ka bilaabmaan khilaafaadka iyo muranada badanaaba dadka ka dhex dhaca. Sidee baa hadalka loola wadaagi karaa qof aan maantaba isaga isa soo dhaafayn oo aan ogolayn in hadalka la socodsiiyo?

"Aniga," keliya ma aha erey ay dadka miyirka qaba adeegsadaan ee waa dhaqan iyo habfeker iska dhan oo ay leeyihiin dadka caadeystay ereygaas. Dadkaas waxa keliya ee ay doonayaan in la sameeyo waa waxa ay iyaga rabaan, sida ay doonayaan in loo fekero waa sida ay iyaga rabaan. Qof noocaas ah xitaa haddii aad wax wada cunaysaan waxuu rabaa in la cuno waxuu isaga doonayo. Mar walba wuxuu ku dhihi doonaa, "Aniga waxaas ma cuno, Aniga sidaas ma sameeyo, Aniga waxaas ma jecli Iwm."

Dadkaas, ma daneeyaan, agtoodana wax macno ah k**a samayso waxyaabaha ay dadka kale rabaan, waxyaabaha ay jecel yihiin ama ay xiiseeyaan, iyo in ay dadka kale markooda dareemadooda iyo naftooda ka hadlaan. Keliya waxa macnaha u leh ee ay daneeyaan waa rabitaanadooda, dareemadooda, ficiladooda, iyo garaadkooda uun.

Haddii aad la sheekaysanayso ma doonaayaan in ay kaa maqlaan ereyga "Aniga," laakiin, iyaga inta jeer ee ay doonaan ayay kugu dhihi karaan. "Aniga" waa Anaaniyad (qabsin), waa naf jeclaysi, waa qab sarayn ah, waa kalsooni daro, waa faan, waa been, waa cabsi, waa difaac, Iwm.