Adane Getachew Ministry

💍 ሴቶች ባሎቻችሁን አክብሩ! ባሎችም ሚስቶቻችሁን አክብሩ!

ትዳር በክብር ይጸናል፤ በንቀት ይፈርሳል።

ወዳጆቼ፣

ብዙዎች 1ኛ ጴጥሮስ 3ን ሲያነቡ የሚያዩት "ሴቶች ይታዘዙ" የሚለውን ብቻ ነው። ነገር ግን መንፈስ ቅዱስ ለባሎችም ከባድ ትእዛዝ ሰጥቷል።

🌿 ለሚስቶች

ሣራ አብርሃምን "ጌታ" ብላ ጠራችው (1ኛ ጴጥ. 3፥6)።

የጴጥሮስ ዋና ነጥብ የቃሉ አጠራር ሳይሆን የክብር እና የአክብሮት መንፈስ ነው።

ሚስት ባሏን በክብር ትያዝ፤ ትዳሯም ይባረካል።

🌿 ለባሎች

እናንተስ ትእዛዝ አላችሁ!

"ሚስቶቻችሁን... አክብሩአቸው።" (1ኛ ጴጥ. 3፥7)

መጽሐፍ ቅዱስ "ሴቶች ደካማ ፍጥረት ናቸው" አይልም።

የግሪኩ ጽሑፍ "as the weaker vessel" ይላል፤ ይህም ንጽጽር እንጂ የእሴት ውሳኔ አይደለም።

እንደ ውድና በቀላሉ ሊጎዳ የሚችል ዕቃ በጥንቃቄ እንደምትይዝ፣ እንዲሁ በፍቅር፣ በትህትና፣ በእንክብካቤና በክብር ሚስትህን ያዝ።

📱 እጅግ ውድ እቃህን ከምትጠነቀቅበት በላይ፣ የሕይወት አጋርህን ተጠንቅቀሀ ተንከባከብ!

🌿 ሴቶች ደካማ ፍጥረት ናቸው?

በፍጹም አይደለም።

ከመጀመሪያው እግዚአብሔር

"ወንድና ሴት አድርጎ ፈጠራቸው፤ ባረካቸውም።" (ዘፍ. 5፥1-2)

እንዲሁም፦

"በእግዚአብሔር መልክ... ወንድና ሴት አድርጎ ፈጠራቸው።" (ዘፍ. 1፥27)

ስለዚህ ወንድና ሴት በእግዚአብሔር ፊት በእኩል ክብር የተፈጠሩ ናቸው፤ በትዳር ውስጥ ግን የተለያዩ ኃላፊነቶች አሏቸው።

🌿 "ጸሎታችሁ እንዳይከለከል"

ባል ሆይ...

ሚስትህን አታቅልላት።

አታዋርዳት።

አትናቃት።

እግዚአብሔር ባልና ሚስት "የሕይወት ጸጋ ባልንጀሮች" እንደሆኑ ይናገራል።

ስለዚህ ቤታችሁ በይቅርታ፣ በሰላምና በፍቅር ይሞላ፤ ጸሎታችሁም በኃይል ይሞላ።

"በማንም ላይ አንዳች ቢኖርባችሁ ይቅር በሉት።" (ማር. 11፥25)

🌿 ለቤተ ክርስቲያን ጥሪ

ፍቺ እንዲቀንስ...

ቤተሰብ እንዲጠነክር...

ልጆች በጤናማ ቤት እንዲያድጉ...

በየአጥቢያው ያሉ የበሰሉ አሮጊት አማኞች ስለ ትዳር ያስተምሩ፣ ይምከሩ፣ ይምሩ።

ይህ የቲቶ 2 ትእዛዝ ነው።

📌 መደምደሚያ

✔ ሚስት ባሏን ታክብር።

✔ ባል ሚስቱን ይውደድ፣ ያክብር፣ ይንከባከብ።

✔ ሁለቱም የአንድ የሕይወት ጸጋ ወራሾች መሆናቸውን አይርሱ።

ትዳር የሚጸናው አንዱ ሌላውን ሲያሸንፍ አይደለም፤ አንዱ ሌላውን ሲያከብር ነው።

የሚስማማ ብቻ "አሜን!" ይበል። 🙏

ስለ ትዳርና ጋብቻ የሚቀጥለውን ትምህርት ይጠብቁ...

በነፃ ተቀብለናል፤ በነፃ እናካፍላለን።

አሳላፊ (Steward): #አዳነነኝ ከልዑል መጠጊያ

❤️ ተወዳጅ ነህ! ተወዳጅ ነሽ!

"ተወዳጆች ሆይ..." (ሮሜ 12፥19)

ይህን ቃል ስታነብ ቆም በል።

"ተወዳጅ!" የሚልህ ሐዋርያው ጳውሎስ ለአማኞች ነው፤ ነገር ግን ይህ ጥሪ በወንጌል ውስጥ የተገለጠውን የእግዚአብሔር ልብ ያሳያል።

እግዚአብሔር ለኃጢአተኛው ሰው ያለውን ፍቅር በመስቀል አሳይቷል።

«"ገና ኃጢአተኞች ሳለን ክርስቶስ ስለ እኛ ሞተ፤ እግዚአብሔርም ለእኛ ያለውን የራሱን ፍቅር ያስረዳል።"
— ሮሜ 5፥8»

ስለዚህ ዛሬ እግዚአብሔር እንዲህ ይልሃል፦

"እኔ ቀድሜ ወድጄሃለሁ።"

"በዘላለም ፍቅር ወድጄሃለሁ።"
— ኤርምያስ 31፥3

ይህ ፍቅር በመልካም ሥራህ የተገኘ አይደለም፤ እግዚአብሔር ፍቅር ስለሆነ ነው።

"እግዚአብሔር ፍቅር ነው።"
— 1 ዮሐንስ 4፥8

ሕዝቅኤል 16 በመጀመሪያ ለኢየሩሳሌም የተነገረ ታሪክ ነው፤ ነገር ግን በውስጡ የምናየው መርህ ግልጽ ነው፤ እግዚአብሔር የማይገባውን ጸጋ ለማይገባቸው ይሰጣል።

የእግዚአብሔር ፍቅር በአንተ ሥራ አይለወጥም፤ ነገር ግን ያንን ፍቅር በእምነት ልትቀበለው ይገባሃል።

ስለዚህ ዛሬ በእምነት ተናገር፦

"እግዚአብሔር ይወደኛል!"

"ክርስቶስ ስለ እኔ ሞቷል!"

"የእግዚአብሔርን ፍቅር በእምነት ተቀብያለሁ!"

ከሳሹ የሚናገረውን አትስማ፤ መስቀሉን ተመልከት። መስቀሉ እግዚአብሔር እንደሚወድህ የመጨረሻው ማስረጃ ነው።

«"እኛም እግዚአብሔር ለእኛ ያለውን ፍቅር አውቀናል፤ አምነንማል።"
— 1 ዮሐንስ 4፥16»

እኔም ዛሬ ይህን አውቄአለሁ፤ ይህንም አምኜአለሁ፦

እግዚአብሔር ይወደኛል!

አንተስ?

አሜን በል!

#ተወዳጅ #ሮሜ5 #1ዮሐንስ4 #ወንጌል #ጸጋ

ሥራ-ፈት እና ፍሬ-ቢስ እንዳትሆኑ!

(መጨረሻው ክፍል)

ተወዳጆች ሆይ!

እግዚአብሔር ለክብርና ለበጎነት ጠርቶናል።

ይህንም ጥሪ ለመኖር የሚያስፈልገውን ሁሉ አስቀድሞ ሰጥቶናል።

«"ለሕይወትና ለእግዚአብሔርን መምሰል የሚሆነውን ነገር ሁሉ ሰጠን።"
(2 ጴጥሮስ 1፥3)»

ስለዚህ የክርስቲያን ሕይወት ከጉድለት ሳይሆን ከተሰጠን ሙላት ይጀምራል።

ነገር ግን የተሰጠንን በቃሉ ውስጥ ፈልገን ማወቅ፣ በእምነት መቀበል እና በተግባር መኖር የእኛ ድርሻ ነው።

ያ የተሰጠን መለኮታዊ ኃይል ከመለኮት ባሕርይ ተካፋዮች ያደርገናል።

ይህም ማለት አምላክ እንሆናለን ማለት ሳይሆን፣ የእግዚአብሔርን ቅድስና፣ ፍቅር፣ ጽድቅ እና በጎነት በሕይወታችን እንድናሳይ የተሰጠን ጸጋ ማለት ነው።

እንዲሁም በዓለም ካለው ክፉ ምኞት ያስመልጠናል።

አማኞች ሆይ!

ዓለም እና ምኞቱ ያልፋሉ።

የሥጋ ምኞት፣
የዓይን አምሮት፣
የሕይወት ትምክህት...

ሁሉም ያልፋሉ!

«"የእግዚአብሔርን ፈቃድ የሚያደርግ ግን ለዘላለም ይኖራል።"
(1 ዮሐንስ 2፥17)»

ስለዚህ...

እንቢ ለዓለም!

እንቢ ለኃጢአት!

እንቢ ለክፉ ምኞት!

በክርስቶስ ድል አድራጊዎች ናችሁ።

ነገር ግን ጴጥሮስ እንዳለው ትጋትን ሁሉ ማሳየት ያስፈልጋል።

ድል የተሰጠን ቢሆንም፣ በዚያ ድል ውስጥ መመላለስ የእኛ ኃላፊነት ነው።

ወገኖቼ!

የዚህ መልእክት ዋና ማጠቃለያ አንድ ነው፦

👉 ተግብሩ!

👉 አድርጉ!

👉 ተለማመዱ!

ኢየሱስን ማወቅ ብቻ አይበቃም።

ያወቃችሁት ክርስቶስ በሕይወታችሁ መታየት አለበት።

በእምነታችሁ በጎነትን ጨምሩ፤

በበጎነት እውቀትን፤

በእውቀት ራስን መግዛትን፤

በራስን መግዛት መጽናትን፤

በመጽናት እግዚአብሔርን መምሰልን፤

በእግዚአብሔርን መምሰል የወንድማማች ፍቅርን፤

በወንድማማች ፍቅርም ፍቅርን ጨምሩ!

እነዚህ ነገሮች በእናንተ ቢኖሩና ቢበዙ፣ በጌታችን በኢየሱስ ክርስቶስ እውቀት ሥራ-ፈቶችና ፍሬ-ቢሶች እንዳትሆኑ ያደርጓችኋል።

አስተውሉ!

ጴጥሮስ የመንፈሳዊ ዕድገትን ዝርዝር በፍቅር ይደመድማል።

ስለዚህ የክርስቲያን ብስለት መለኪያ እውቀት ብቻ ሳይሆን ፍቅር ነው።

በእግዚአብሔር እንደተወደዳችሁ ሰዎች ኑሩ!

ለፍቅሩ ምላሽ ስጡ!

ፍቅር በቃል ብቻ አይለካም፤ በመታዘዝ ይገለጣል።

አሜን!