Mekelle View

መራሕቲ TDF ኩኑ ካድረታት ህወሓት ደው ኢልኩም ሕሰቡ!

ትማሊ መከላኸያ ናይ ኢህአዴግ ፓርቲ መፃወቲ ከም ዝኾነ ሎሚ 'ውን ናይ ብልፅግና እዩ።

ለማ መገርሳ ፕረዚዳንት ክልል ኦሮሚያ ኮይኑ መከላከያ ካብ ክልል ጉዳይ ኢዱ የውፅአለይ ኢሉ ብተደጋጋሚ መግለፂ ይህብ ነይሩ።

ኣብ ኢህአዴግ መድረኽ "ኢህአዴግ ንምፍራስ ኢህአዴግ መሲሎም የፍርስዎ ኣለው" ዝብል ኣጀንዳን ፕሮፓጋንዳን ይውቀጥ ነይሩ።

እቲ ሓቂ ግና ካብቲ ኢህአዴግ ዝሓዞ ኣጀንዳን ፕሮፓጋንዳ ብተገላቢጦሽ እዩ ነይሩ።
መከላከያ ሰራዊት ኣብ ውሽጢ ጉዳይ ምሕደራ ኦሮሚያ ክልል ኢዱ ከእቲ ኣይነበሮን ኢዱ ክስብስብ እዩ ኢህአዴግ ኣጀንዳን ኣቋምን ክወስድ ነይርዎ።
ስለዚ ኢህአዴግ ብስራሑን ውፅኢት ብልሹው ስራሑን እዩ ፈሪሱ። ንዓርሱ ተሰሓሒቱ ሰራዊት እውን ኣሰሓሒቱ።

ብተመሳሳሊ ኣመራርሓ TDF ነቲ ሓቂ ኣብ ቀበሌ፣ ወረዳ፣ ዞባን ክልልን ዘሎ ፀገም ዝፈትሕ፣ ኩሉ ትግረዋይ ዘሳተፈ፣ ዝሓቆፈን ኣጀንዳን ምልዕዓል ብሄራዊ ሓድነት ኣብ ክንዲ ምፍጣር።

ብተቀራኒ ትማሊ ኣብ ኢህአዴግ ዝሰርሖ ስሕተት፣ ክላሽ ዓረር ተመርኩዝካ ህዝቢ ንምብርኻኽ ዝተኸየደ ክያዶ ድሮ ፕሮፓጋንዳ ትግራይ TDF-TPF ኢልና ትግራይ ተኸፊላ ኣብ መፀ-ኸደ ዋጦት ፃሕተርቲ ስምዒት ትግራይ መፃወቲ ፀላእታ ኮይና ካብ ምርኣይ ዘሕፍር ታሪኽ የለን።

ካድረታት ህወሓት፣ ትማሊ ኣብዪ ኣሕመድ ኣብ ምምራፅ ቀዳይ መራሒ ዝነበረ ኣቦ ወንበርካ ዶ/ር ደብረጽዮን እዩ።

መሪሕነት ህወሓት ኣብ ምፍራስ ምኽሪ ኣብዪ ኣሕመድ ተቐቢሉ ህወሓትን ህዝቢ ትግራይን ካብ ጌታቸው ክሳብ ወዲ ወረደ መን እናበተና ይሓድር ኣሎ ዝብል ሕቶ መልስ?

ስለዚ ዝኸበርኩም መራሕቲ TDFን ካድረታት ህወሓትን ካብ ትማሊ መከላኸያ ሕገ መንግስታዊ ወፃኢ መሳርሒ ኢህአዴግ ምኳኑ ኢትዮጵያ ኣብ ትሕቲ ብልፅግና (መሊሱ ተግባር ኢህአዴግ ዝልብጥ ጥራሕ ኣጋዲዱ ዝኸይድ) ዘረከበ፣ ኢህአዴግ ዝበልዐ ኣንፈት ውቀት ብተመሳሳሊ ደድሕሪ ውድብ ዘኾይ ዘኾይ ደው ይበል ሓደ።

ካድረ ህወሓት ልዕሊ ዝኾነ መራሒ ትግራይ ካብ ምእማን ሽሑን ሚኢትን ደጋጊሙ ኣብዪ ኣሕመድ ዝኣምምንን ዝሰግድን ዶ/ር ደብረጽዮን እዩ።

ህወሓት መፃወቲ ኣብዪ ኣሕመድ ዝገበራን ኣብ መሪሕነቱ ትግራይ ንፅንተት ዝዳረገ፣ ግዝኣት መሬት ብወረርቲ ዘሀገረ፣ ህወሓት፣ TDFን ህዝቢ ትግራይን ፋሕ ብትን ክትብል ልዕሊ ዶ/ር ደብረጽዮን ኣብ መሪሕነት ዝሕተት ሰብ የለን።

ብሕጊ ትምራሕ ትግራይ እምበር ብሓይሊ መልጢ ደርጋዊነት ምምራሕ ደው ይበል፣ TDF ካብ ጥብቅና ህወሓት ዘወር ይበል። ህወሓት ህዝባዊ ውድብ እምበር ደርጋዊት ኣይነበረትን።

ክሳብ ሐዚ ንትግራይ ኣብ ሓበራዊ ፀላኢ ንሰለፍ ዝብላ እምበር ብሓበራዊ ዕላማ ንሰለፍ ዝበላ የለን።

TDF፣ ካድረ ህወሓት ብኣውራኡ ድማ ህዝቢ ትግራይ ንዓርስኻ ኣድሕን ካብ ፈታዊ ፀላኢ ይምሓርካ!