Hodan Media

Ururka midowga caasimadaha magaalooyinka dalka Itoobiya ayaa si meeqaam sare leh loogu soo dhaweeyay magaalada Tog-wajaale.

Ururkan oo khibrad-wadaag u tagay magaalada Wajaale ayaa soo kormeeray mashaariicaha horumarineed ee laga fulinayo magaalada Tog-wajaale, iyaga oo soo indho'indheeyay suuqa sariibadda Wajaale, guryo-wadareedyada iyo goobta lagu xannaneeyo dadka nugul ee tacaddiyada loo gaysto.

Kormeerkaas kaddib, waxaa sharraxaad dheer laga siiyay barnaamijka horumarinta cagaaran ee laga wado Maamulka Magaalada Tog-wajaale iyo qorsheyaasha lagu horumarinayo magaalada Wajaale oo uu soo bandhigay Eng. Axmed Daahir Bade,
Maareeyaha Maamulka Magalada Tog-wajaale.

Kuxigeenka Duqa Maamulka Magaalada Tog-wajaale Mudane Muxyadiin Cabdi Muxummed oo lahadlay warbaahinta Deegaanka ayaa ka warbixiyay mashaariicaha horumarineed ee laga fulinayo magaalada Tog-wajaale iyo caqabadaha ka hortaagan dhanka maalgashiga.
Hodan media

Xuska 17aad ee maalinta shucuubta iyo qoomiyadaha Itoobiya ee 29-ka Hidhaar oo halku-dheg looga dhigay "Wadajirka qoomiyaduhu waa astaanta nabada waarta" ayaa lagu qabtay madasha kulammada ee Qaryaan Dhoodaan.

Xuska munaasibadani waxaa kasoo qaybgalay Madaxweynaha DDS, mudane Mustafe Muxummed Cumar, Af-hayeenka Golaha Xildhibaannada marwo Ayaan Cabdi, Madaxa Xafiiska Xisbiga Barwaaqo ee Soomaalida Inj. Maxammed Shaalle, masuuliyiin iyo marti-sharaf kala duwan.

Munaasibadda xuska 17aad ee maalinta shucuubta iyo qoomiyadaha Itoobiya ee 29-ka Hidhaar oo ka dal ahaan lagu xusi doono deegaanka Sidama ayaa si hordhac ahaan ah loogusii maamuusay guud ahaan deegaannada dalka.

Maalintan ayaa xanbaarsan midnimada iyo wadajirka shuucuubaha itoobiya waxa ayna astaan utahay kala duwanaanshaha diimeed, luuqadeed, dhuleed, dhaqan iyo sinji ee udhaxeeya qoomiyadaha Itoobiya oo ku midoobay dastuur sugaya xuquuqaha iyo madax-bannaanida shucuub walba.

Hodan media

Itobiya aya wacad ku martay in ay so afjareso jabhada shane ee degaan oramiya taas oo babul ciidan ka wada gobalada qaar ka mid ah oromada