Colegio La Inmaculada

GRANDES NOVAS PARA A NOSA COMUNIDADE EDUCATIVA.

O noso grupo de Oratoria de 4º de Primaria vén de proclamarse gañador en A Coruña do TEO – Torneo Escolar de Oratoria da Fundación Barrié.

Estamos inmensamente orgullosos do traballo, da ilusión e do esforzo que demostraron os nosos nenos e nenas, que brillaron coa súa capacidade para comunicar, argumentar e emocionar sobre o escenario.

Este logro é tamén froito do acompañamento e dedicación do seu profesor Marcos, a quen queremos agradecer especialmente o seu compromiso e entusiasmo ao longo de todo o proceso. Tamén ao profe Gerardo que liderou a outros equipos participantes.

E, por suposto, grazas ás familias, polo apoio constante, polos ánimos e por camiñar sempre ao lado do alumnado. Sen vós, isto tampouco sería posible.

Parabéns, campións e campioas! Seguimos medrando xuntos e demostrando que a educación tamén se constrúe coa palabra, a confianza e o traballo en equipo. Iremos compartindo máis momentos desta xornada, pero non queriamos deixar de dicir ben alto; noraboa rapaces e rapazas!