Bar Rodeiro

*34 anos de vida no corazón de San Pedro: Grazas por todo*
​Hoxe escribimos estas liñas coa emoción á flor de pel e a maleta chea de recordos. Despois de 34 anos tras o mostrador do Bar Rodeiro, chegou o momento de dicir "ata logo" e comezar a nosa xubilación.
​Botamos a vista atrás e decatámonos de que o Rodeiro foi moito máis que o noso sustento; foi o noso fogar. Nestas rúas e entre estas mesas criamos ás nosas fillas, que medraron ao compás do bulicio do barrio, entre cafés, conversas e o agarimo de todos vós. San Pedro non foi só o lugar onde traballamos, foi a familia que nos viu facernos maiores.
​Queremos darvos as grazas, de corazón, a cada un de vós: veciños, amigos e clientes que co paso do tempo deixastes de selo para ser parte da nosa vida. Grazas por elixirnos para os vosos momentos de descanso, polas confidencias e por facernos sentir que pertencíamos a algo tan especial como é este barrio.
​Unha mención moi especial e chea de afecto para os compañeiros do O Dezaseis, e en particular para Suso. Máis que veciños de negocio, fostes os nosos irmáns de profesión e de vida. Grazas, Suso, por estar sempre aí, por eses lazos de amizade verdadeira que fan de San Pedro un lugar único no mundo.
​Non queremos marchar sen dar un grazas infinito a Lourdes e á súa familia. Grazas por ser amigos antes que propietarios, por facer que todo fose sempre tan fácil e por estar ao noso lado durante estas tres décadas. Sodes, sen dúbida, parte da nosa familia.
​Marchamos coa satisfacción de saber que o Rodeiro foi un pedaciño da vosa historia, igual que vós sodes xa, para sempre, a nosa. Levamos o voso sorriso e o voso afecto no peto para esta nova etapa.
​Grazas por facernos tan felices estes 34 anos. ¡Ata sempre, San Pedro!

Santiago se despide del bar Rodeiro, que cocinó su fama entre cocidos desde 1992 Divina Varela y Julio Vázquez se jubilan y hoy bajarán la reja definitivamente en la que fue su segunda casa durante 34 años

Estimados clientes: tras meditalo moito comunicámoslles que deixaremos de ofrecer o noso cocido especial. Gracias a todos os que ano tras ano viñestes a degustalo. Poderedes seguir desfrutando do noso cocido de menú do día todos os martes e sábados. MOITAS GRACIAS A TODOS!!!

Mañan domingo teremos menú para levar. Cocido e outros platos. Podedes chamar para informarvos.
Graciñas

Mañan domingo día 10 estaremos abertos, ven a recoller o teu tupper!!!

Mañá temos Cocido Galego para levar (de grelos, con varias carnes e filloas). 15 euros. Anímate cun bo cocidiño de domingo. Esperámoste 😋