Concello de Sada

🔶SAÍDAS MEDIOAMBIENTAIS GUIADAS 2026🔶
O Concello de Sada segue a organizar as saídas medioambientais gratuitas deseñadas e guiadas por persoas expertas da Sociedade Galega de Historia Natural (SGHN).

🔹Xa podes consultar a listaxe de participantes para a saída do domingo 21 de xuño todo o día - Doniños (Ferrol) - Visita á Lago e Areal de Doniños, así como Monte ventoso e areal de San Xurxo - Esmelle - https://acortar.link/i42bXAℹ

🔶SAN XOÁN SADA 2026🔶
O MARTES 23 DE XUÑO celebramos unha das festas máis queridas pola veciñanza e visitantes: a noite de San Xoán. Desde o Concello de Sada convidámosvos a g***r dunha xornada especial con sentidiño e moita festa!

🔹Como cada ano, estarán permitidas as cacharelas en espazos públicos e privados, previa comunicación ao Concello a través do Rexistro. Lembra que é obrigatorio vixiar o lume e contar con medios para controlalo en todo momento. Se pasa calquera cousa, chama ó 112 ou ó Servizo Municipal de Emerxencias 607 43 84 57

🔹No Curruncho da Praia das Delicias habilitarase unha zona de recollida de madeira —10 toneladas dispoñibles sen necesidade de solicitude previa— para as fogueiras nese espazo. E como non podía faltar, desde as 19:00h organizamos tamén a tradicional sardiñada popular: por 7€, poderás desfrutar de 6 sardiñas, pan de broa, bebida e taza conmemorativa.

🔹A partir das 19:00h poderedes deixar o material nas praias para preparar as lumaradas. As praias deberán quedar libres ás 06:00h do día 24 para permitir os traballos de limpeza. O baño estará prohibido desde as 22:00h ata as 9:00h por seguridade.

🔹Facemos un chamamento á responsabilidade e á sustentabilidade: está prohibido usar materiais contaminantes, vidro, ou trasladar madeira en contedores de lixo. Non se permitirán faroliños voadores, nin fogueiras en zonas verdes ou con risco para a seguridade.

ℹ Consulta todos os detalles no bando oficial publicado na web do Concello: https://acortar.link/Kam1EN

🔶URBANO SOAZ - "RELATOS DE LA VIDA"🔶
Urbano é o que chamamos un "veciño de Sada de toda a vida". Durante moitos anos o seu traballo foi adecentar as rúas da nosa localidade pero agora, xa alcanzada a idade de xubilación, adica gran parte do seu tempo libre á escritura.

🔹Pero como a súa afección non pode nin debe pasar desapercibida, Urbano quere compartir con todos e todas vos algún dos relatos nos que estivo traballando ao longo de todos estes anos.

🔹Na seguinte ligazón podedes descargar un documento en formato pdf con tres relatos curtos escollidos polo propio autor. Para aqueles e aquelas que preferides o papel, poderedes atopar tamén exemplares impresos na Biblioteca Municipal Suárez Picallo.

ℹ PODES DESCARGAR O LIBRO AQUÍ - https://acortar.link/ebRpDW

🔶CAMPUS VOLEI PRAIA SADA 2026🔶
O Concello de Sada xunto coa Federación Galega de Voleibol organizan un CAMPUS DE VÓLEI PRAIA gratuito do 6 ao 9 de xullo na Praia das Delicias para iniciar á rapazada de 6 a 17 anos na práctica deste deporte.

🔹O campus desenvolverase do 6 ao 9 de xullo de 2025 na Praia das Delicias en horario de 10:00 a 14:00 horas.

🔹Organizaranse dúas quendas:
- 10:00 a 12:00: Grupo de 6 a 11 anos.
- 12:00 a 14:00: Grupo de 12 a 17 anos.
Establecerase un máximo de 24 participantes por quenda. Haberá dous monitores especializados que supervisarán e dirixirán a actividade.

🔹Poderán inscribirse nenos e mozos de entre 6 e 17 anos. A inscrición realizarase ata completar aforo por orde de chegada. Requirirase autorización dos pais ou titores.

ℹ INSCRICIÓN A PARTIR DO 15 DE XUÑO ÁS 09:00 HORAS - https://www.sada.gal/campus-volei-praia-sada-2026