Turismo Rías Baixas

A praia de Patos, en Nigrán, o Lago dos Nenos nas Illas Cíes e o Bosque de Secuoias de Poio albergan paisaxes completamente diferentes e á vez todas elas preciosas.

Visitaches estes tres lugares?

O mellor momento para visitar a Fraga de Catasós é agora!

Estas semanas destaca na maioría das paisaxes pontevedresas a floración amarela dos castiñeiros e o seu característico recendo e nesta fraga temos os que poden ser os exemplares máis altos de Europa!

Sabías que este espazo é, xunto coa Praia das Catedrais, un dos oito espazos de Galicia declarados e protexidos como “Monumento Natural”?

Nas comarcas do Condado e a Paradanta contan cun gran patrimonio etnográfico e natural, fermosos viñedos e paisaxes bañadas polo .

Un destino de 10 para pasar a fin de semana!

O Pazo de Sobrán (Vilagarcía de Arousa) remóntase a principios do século XVI e foi construído sobre os cascallos dunha antiga torre medieval destruída nas revoltas irmandiñas.

A edificación do pazo que vemos hoxe atribúese a Suero Gómez de Soutomaior, protagonista dalgún dos conflictos máis importantes na segunda metade do S. XV

Recibimos no Palacete das Mendoza a unha comitiva italiana, da cooperativa GEA Ambiente e Turismo, que estes días está percorrendo as a provincia para coñecer as nosas rías, mercados e lonxas.

A visita encádrase no proxecto europeo TASTE, unha iniciativa deseñada para transformar o sector do turismo gastronómico fomentando as prácticas sostibles e a dixitalización.