Alaa Fayez

15/06/2025

🔴 عضّ اليد عند الأطفال.. ليه بيحصل؟ ونتصرف إزاي؟

سلوك عضّ اليد من السلوكيات اللي ممكن تظهر عند بعض الأطفال، وبيكون أوضح أحيانًا عند الأطفال اللي عندهم اضطرابات في التواصل زي اضطراب طيف التوحد.

🧠 يعني إيه؟
الطفل بيقوم بعضّ إيده أو جزء منها بشكل متكرر، سواء وقت الغضب أو التوتر أو حتى من غير سبب واضح، وده ممكن يسبب له ألم أو جروح.

🔍 ليه الطفل بيعمل كده؟

1. تنظيم حسي: ممكن يكون الطفل محتاج إحساس معين (زي الضغط أو الألم الخفيف).
2. تعبير عن مشاعر: الغضب – الإحباط – التوتر.. ومش بيعرف يقولهم بالكلام.
3. هروب من موقف: ممكن بيعضّ نفسه علشان يتجنب حاجة مش بيحبها.
4. جذب انتباه: لما يلاقي إن في حد بيجري عليه كل مرة يعضّ.
5. سلوك مكتسب: لو في مرة أخد حاجة بيحبها بعد ما عضّ نفسه، ممكن يربطهم ببعض.

👩‍👧 أعمل إيه ك (أُم)

1. ✅ ركزي ودوّني:
امتى بيحصل السلوك؟ قبله كان في إيه؟ وبعده حصل إيه؟ الملاحظة هتساعدنا نعرف السبب.

2. ✅ وفّري بديل حسي:
زي لعبة مطاطية للمضغ – كرات ضغط – اللعب بالرمل أو العجين.

3. ✅ علميه يعبر:
استخدمي صور أو كلمات بسيطة زي "أنا زعلان" أو "مش عايز ده".

4. ✅ تجاهلي السلوك لو آمن:
لو بيعضّ علشان يجذب الانتباه، تجاهليه، وركزي على مدحه لما يستخدم طريقة مناسبة.

5. ✅ نظمي يومه بصور:
جدول مصور للروتين اليومي يساعده يحس بالأمان ويقلل التوتر.

6. ✅ لو بدأ يؤذي نفسه:
اتدخلي بهدوء، وقولي: "ده بيوجعك، استخدم اللعبة دي بدل كده". واديه البديل فورًا.

7. ✅ شجّعي السلوك الإيجابي:
امدحيه لما يستخدم بديل أو يبطل يعضّ.

📌 امتى نطلب مساعدة متخصصة؟

لو السلوك بيزيد وبيسبب إصابة.

لو مأثر على تعلمه أو تواصله.
❗ساعتها يفضّل نشوف أخصائي ABA (تحليل سلوك تطبيقي) علشان يقيّم الحالة ويحط خطة مناسبة.

❌جدول المتابعة ال اكلمت عنه فوق في أول كومنت👆

🌷

للتواصل علي الأرقام التالية:
01283556422📞
01027970211📞