TNT Production

هو فعلا صاحب بالين كداب و صاحب تلاتة منافق ؟! 🤔🤷🏼‍♂️

Ahmed Osama ElGendy 🏅❤️🎊

البطل اللي قدامك ده هو واحد من أعظم الرياضيين في مصر و العالم اسمه " أحمد الجندي " بيلعب خماسي حديث في اوليمبياد باريس

الخماسي الحديث بالمناسبة هما ٥ ألعاب في بعض " مبارزة + فروسية + سباحة + رماية + جري "

يعني عايزك تتخيل معايا مدي صعوبة اللعبة لانك بتلعب ٥ ألعاب و بتجمع سكور نهائي فيهم !!

أحمد كان عنده مشكلة صحيه و هو طفل صغير ، كان عنده حساسية و مكنش بيقدر ينظم نفسه و وقتها الدكاترة نصحوه بممارسة السباحة عشان يحسن نفسه

مدرب السباحة شاف احمد عنده حركات مميزة في الماء و فعلا عالج مشكلة نفسه الي حد كبير و بدأ يتعلم معاها باقي الالعاب و هو عنده ٦ سنين فقط !! 😮

أحمد هو ملك اللعبة دي من الاخر ، عامل زي ميسي في الكورة كدة ، تفتكر ليه ؟ 🤔👇

لان أحمد كسب ذهبية اوليمبياد الشباب
كسب ذهبية بطولة العالم للشباب
كسب ذهبية بطولة العالم للناشئين
مفيش غير أحمد الجندي اللي قدر يكسب ذهبية ال ٣ بطولات دول في تاريخ اللعبة كلها !! 😮

ده غير انه كسب افضل لاعب ناشئ في العالم مرتين علي التوالي ، متخيل النجاح !! 😮

أحمد كمان شخص ملهم جدا ، لانه في نفس الوقت متعلم و بيدرس في هندسة الاكاديمية البحرية ، ايوة احمد مهندس متستغربش !! 😮

أحمد اجتهد و كسب الميدالية الفضية في اوليمبياد طوكيو الماضية و كان اول مصري يجيب ميدالية اوليمبية في الخماسي الحديث

لكن عشان هو الاكثر اجتهادا ف قدر يشرف مصر كلها النهاردة و كسب الميدالية الذهبية في اوليمبياد باريس و دي اول ميدالية ذهبية لمصر ، ياه علي الفخر يا احمد !! 😮❤️

أحمد كمان حطم الرقم القياسي ل اللعبة و سجل ١٥٥٥ نقطة و اصبح الرقم القياسي مسجل بإسمه هو و بس !! 😮❤️

هو ده اللي يتقال عليه فخر مصر بجد ، فرحتنا يا أحمد بجد و خلتنا فخورين بعزف النشيد الوطني لمصر لاول مرة في اوليمبياد باريس 🇪🇬❤️

و دا يثبتلك ان صاحب بالين مش كداب ولا تلاتة منافق , بالعكس دا ممكن كمان يبقى اربعة و خمسة .. يبقى multitasking
🤗❤️ ,

بس كل دا يا صديقى بناء على حلمك و خطتك لتحقيقة و الاهم هى مهارة ادارة الوقت و انك تعرف تقسم وقتك صح .
✊🏻😌🎊

نهارنا عسل ….الفنكوش وصل .🚨🎬

سر حملة دعاية الفنكـوش

الفنكوش يعتبر أول حملة تشويقية Teasing campaign بس من غير منتج.😅
لأن الطبيعي بيكون فيه منتج وبعدين نعمل إعلان للمنتج ده، لكن في فيلم واحدة بواحدة عادل إمام لقى نفسه فجأة مسؤول عن Teasing campaign لمنتج مش موجود أصلا.😌

ولما مرڤت أمين حبت تعرف إيه هو الفنكوش، كان رده منطقي جداً "إن الحملة قائمة على السرية .. إن الناس كلها تسأل إيه هو الفنكوش" وهو ده فعلاً بيكون الهدف الحقيقي للحملة التشويقية.

🚩 حملة التشويق أو Teasing campaign دي إسترايجية تسويقية بتعمل جو من الحماس والفضول قبل ما نطلق منتج أو خدمة جديدة زى كده (عبدالواحد اول واحد ) .

الحملة بتدي تلميحات عامة بس، وتحفزك تسأل وتحاول تتوقع إيه ده!!
والجميل في حملة التشويق إنها بتخليك تشارك وتتفاعل وتستنى بشوق للحظة الكشف عن المفاجأة.💥

طبعًا في الأخر، الحملة دي بتأثر في رفع الوعي بالعلامة التجارية وبالتالي زيادة الطلب والاهتمام لأن الناس بتحس إنها تجربة مختلفة.

خلي حملتك الجاية تشويقية وشوف النتيجة.😉
"نهارنا عسل فنكوش 2023 وصل"

#تسويق #محتوى