Shadow

ما بقاش فيه حد ما بكاش يا أستاذ ماجد والله،


ماجد الكدواني حطم آخر حصون المقاومة عند جموع المشاهدين وسرق دموعهم بالعافية، اللي ما بيبكيش بكى، واللي متماسك انهار، واللي جت له على الجرح ده بقى الاستاذ ماجد أخده في حتة تانية ودخل بيه في تروما هتستمر معاه حبة حلوين

مصطفى الأب اللي هيتجنن عشان يشوف بنته خلاص بدأ في التصرفات اللي بتندرج تحت بند اللا معقول، تصرفات يائسة بائسة حزينة وتحزن، آخر حبل الأمل اللي بعده مفيش حاجة تانية تتعمل، نتيجة اليأس والاحباط ومرور الأيام بعيد عن ضناه اللي منه.

احاسيس الحلقة دي فتاكة لكل مشاهد عاش مع شخصية مصطفى الحلقات بهمومهما بتفاصيلها اللي تخليه يصعب على الحجر.

البوست ده في محبة ماجد الكدواني للمرة العاشرة من بداية المسلسل، وفي محبة الفن وقدرته على التعبير عن شريحة من البشر ما قدروش يعبروا عن أوجاعهم زي ما قدر الأستاذ ماجد الكدواني إنه يعبر عنها ❤️