Suez supplements store - SSS

تحول الدهون لعضلات
لحد دلوقتي لسة فيه ناس تقولك يا عم بلاش تنزل جيم عشان لو بطلت كل اللي عملته هيبقى دهون و ده طبعا مش صح العضلات و الدهون نوعين مختلفين من الأنسجة و مستحيل ده يتحول لده أو العكس و للأسف الفكرة دى شائعة عند ناس كتير ,الفكرة فى ان الناس معظمها بيتخن بعد مايبطل تمرين هى ان كل ما العضل زاد معدل الحرق بيزيد و بالتالى انت بتاكل سعرات حرارية أكتر و أنت بتتمرن عشان تقدر تحافظ على احتياجات جسمك و متخسرش عضلاتك ,لما بتبطل تتمرن الطبيعى العضلات هتقل فى الحجم لانك مبتستخدمهاش زى ايام التمرين و ده معناه ان معدل سعراتك الحرارية فى اليوم هيقل بمنتهى البساطة لو فضلت تاكل نفس عدد السعرات الحرارية اللى كنت بتاكلها و انت بتتمرن و عضلاتك اكبر بعد مابطلت هتتخن لان جسمك مش محتاج السعرات الزيادة دى و بالتالى هتتراكم على شكل دهون.