Polyglot Languages Academy

🇧🇪🇪🇦🇨🇵🇱🇷🇹🇷🏴󠁧󠁢󠁥󠁮󠁧󠁿🇬🇧🇪🇸🇵🇾

لو سمحت هي ايه أكتر لغة ليها شغل ؟

انا بتسأل السؤال ده أكتر مابدخل الحمام والله

1_كل اللغات ليها شغل والله كل اللغات ليها شغل
2_الفكرة فرص الشغل في كل لغة بتبقي قد ايه
3 _كل اللغات في كفة الانجليزي لوحده ف كفة
4_ياعم انجليزي ايه انا أخدت انجليزي في ثانوية عامه
5_بس يالا هو انجليزي بتاعنا بتاع أبله انشراح ايوة ابله ده انجليزي انت مدراس حكومة ياحبيبي..

6_انت متعملتش انجليزي الا لو كنت مدرسة خاصة او أخدت كورسات
7_لما تلاقي حد مختار انجليزي في الكلية فهو كده ضامن شغل لو اتقن لغته..
8_أكثر فرص عمل في مصر لمتحدثي الانجليزي بطلاقة
9_مجالات عمل الانجليزي شاملة كل حاجة (ترجمة وكول سنتر وتدريس وجميع أنواع الشركات والمطارات والسياحة) مرتباته بتبدأ من 5000ل10000

10_اللغات كلها ليها شغل والله اللغات كلها ليها شغل

11_هتيجي في المرتبة الثانية الألماني في مصر (كول سنتر حدث ولاحرج )(ترجمة وسياحة والمطارات والتدريس) مستقبل مصر في اللغات ولو عاوز تعرف بص في كام مركز الماني بيعلم اللغة 😃 مرتباته بتبدأ ب6بتوصل 14الف

12_ايطالي حرفيا أكتر لغة بتتصاعد خاصة في السياحة وبتفتح فرص عمل كتير معظمها في السياحة والتدريس وليها شغل ترجمة وكول سنتر مرتباته بتبدأ من 6ل 9 في السياحة بحساب البدلات والتبس الكول سنتر 8ل9الاف

13_صيني كلة خايف منه عشان صعب بس اعتقد ان قاعدة من قواعد الالماني متفرقش عن صعوبة تعلم الصيني شغلة متمركز في الترجمة مصانع كتير فاتحه في مصر وطبعا السياحة (مرتباته من 8الاف وفي السياحة ممكن يوصل ل15الف وأكتر كل علي حسب

14_الازباني ايوة هو شغلة سياحة حلو اوي والترجمة والكول سنتر مرتباته يتراوح من 6ل10 في السياحة

15_الروسي تقدر تقول وحش السياحة معظم شغلة سياحة حوالي 80% والباقي كول سنتر و ترجمة مرتباته في السياحة من 6ل12الف كول سنتر 10الاف

16_التركي معلومة علي الماشي (قسم تركي) سنة 2012 كان عدده في الكلية 400طالب وده عشان المشاريع اللي كانت بينا وبنهم ايام حكم الإخوان بقطع العلاقات الشغل فرصة قلت لكن لي فرص شغل في الكول سنتر والترجمة ومشروعات تركيا في مصر للاسف مفيش سياحة مرتباته من 4ل8

17_العبري جواسيس مصر🤣
شغلهم كله ترجمة معظمها في الصحف او في الجيش معرفش مرتب الحقيقة😂

18_وعموما متدخلش لغة الا وانت عارف ايه مجالات شغلها وتروح تسأل قبل متدخلها روح اسأل الدكتور بتاعك في أول محاضرة واعرف مستقبلك ولو مقتنعتش حول من القسم ولو ملكش غيرها حول تربية او آداب

19_نسيت اقولكم ان مفيش اي فرق في تعليم اللغات مابين اي كلية الفرق ده انت اللي بتعملة كده كده المحتوي التعليمي عندنا كله تعبان😂

20_المرتبات دي حقيقة وطبقا لناس صحابي شغالين حاليا وهتختلف من ناس لتانية حسب خبرة كل منهم ❤️

ّ21_الفرنساوي شغله ترجمة وتدريس واحيانا كول سنتر

ان شاء الله البوست الجاي عن اماكن شغل كل لغة باسماء الشركات
#متنساش تعمل شير عشان غيرك يستفيد
منقول للاستفادة

حابين نعرفكم اكتر عننا 💬

احنا فريق بدأ في شهر 7 اللى فات
طب احنا هدفنا ايه 🔎.

- توفير كل كورسات اللغات اللي ممكن اَي حد يحتاجها بأعلي جودة وأقل تكلفة ممكنة
- حابين نقضي علي مصطلح محتاج اي كورس سافر القاهرة او اسكندرية..
تعالو نخليها محتاج اي كورس اطلع علي بيدچ Polyglot

طيب احنا هنقدم لغات ايه 👀
بكل بساطة احنا شغالين علي اننا نقدر نقدم جميع اللغات لأول مرة في السويس
هنقدم اكتر من ١٤ لغة مع محاضرين شباب هيعلموك بكل سهولة

تابعونا عشان تقدروا توصلوا للايڤينت بتاعنا اللي بنجهزله قريب 💙

عشان زي ما بيقولوا "السلام بتاع ربنا"
فـ احنا هنعلمك تلقى التحية بكل اللغات 🙋🏻‍♀️

قريب اووي هنقول كل تفاصيل عن الايڤينت بتاعنا
💪🏻