Talent Team

شيفك حلم

انا جيت اقرب صدنى حبك
خايف انام
قبل ما اشوف طابع شفيفك
على خد القمر
ضمينى
سيبى قلبك يخطفنى وحنانك
يروينى
اكسرى قلبى وقطعى فى
شرايينى
بس رمشك الغزلانى ما
بيغبش يوم عن عينى
كل ما انوى على البعاد
حروف
اسمك بتشدنى
بتدور فى الذكريات
بتعاند
تعافر ترجع الحب الى مات
على طول فى صدرى شئ
بيفرح
شئ بيرقص
بس فى سكوت
ادام عيونى شيفك حقيقه
شيفك فى ضيقه
صورتك الطهره البريئه
ما فرقتش فى يوم خيالى
انت الوحيده الى شيبتينى
قبل ما يون الاوان
اتفتت نبضات قلبى لما شافت
شمسك جو منى بتبكى
لسه شيفك حلم بحاول
ارسمه
اوصفه
طب لون خدوده
حلم اخضر
عمر عوده فى يوم ما
جف
طب يموت الحب يوم عرسه
والا نسيبه ينزف
القلب سارح من غيط لغيط
بيدور على قلبه
تعبان وتايه
سهران وحيد وفكره شارد
كان عشمه فيكى ميبقاش
مجروح ولا يبقى
جارح
العمر بيجرى ومش قادر
على الفراق
جمل وشايل حمل لكن كفيف
\صياد ويرمى الشبك يسكن قلوب
عشقين
شرايين
تنعد
نقط الدم الى جواها
كل نقطه غرقانه فى
بحور الاسى
والدمع على الخد بيرفرف
من الفرح
انه خرج من عيون
مليانه بالوجع

الشاعر
احمد سمير
من ديوان
السكرى
20.1.2014