AI Eagles

أهلا بيك 😍😍
نكمل كلامنا عن استخدامات Unsupervised Learning
أتكلمنا عن Dimensionality Reduction
ودلوقتي هنتكلم عن Clustering
✅✅ 2. Clustering
او التجميع , وده جزء مهم جدا بيستخدم ان احنا نعمل تجميع لجروب من الداتا متشابه مع بعضه في الخواص features , لاحظ ان كل جروب من دول ملوش اسم لان الداتا اصلا مش labeled وده مش Classification
اللي بيحصل ان احنا مجرد بنعمل جروب ونحط فيه مجموعة الداتا اللي شبه بعض ونسميه جروب 1 مثلا وهكذا

✅ طيب بنستفيد ايه من الكلام ده 🤓🤓
ابسطهم ان احنا نوفر ونقلل المجهود والوقت في عملية labeling
تخيل معايا ان عندي داتا كبيرة وعملتلها Clustering في 5 مجموعات
كل مجموعة من دول مشتركين في الخواص وشبه بعض بس انا معرفش اسامي كل جروب , وهنا ييجي دور الانسان انه يعمل labeling للجروبات دي ويكون اي sample واقعة جوه الجروب ده يكون label بتاعها هو نفس الجروب
تخيل ان عملت 5 مجاميع , جه واحد وقال المجموعة الأولى (كلاب) والمجموعة الثانية (قطط) وهكذا
يبقا عملنا labeling بسرعة جدا بدل م نقعد نمشي على الوف من الداتا

بيستخدم كمان في semi-supervised Learning

من أشهر الألجوريثمات اللي بتعمل clustering:
✅ K-Means
✅ DBSCAN
✅ Gaussian Mixture Models (GMM)
✅ Hierarchical Clustering
وغيرهم وغيرهم

تابع البوست القادم هنكمل كلام عن استخدامات Unsupervised

أهلا بيك 🤩🤩

اتكلمنا في البوستات اللي فاتت عن انظمة ال machine learning وابتدينا ب supervised واتكلمنا من انواعها عن Regression

هنتكلم دلوقتي عن واحد من أهم المشاكل وأكثرها علي الإطلاق في عالم الـ Machine Learning 🤔🤔

ودي عبارة عن ان المودل عندي بيدخله (Features & Labels) بس هنا الخرج او الـ output اللي هو labels بيكون عبارة عن أصناف محددة وليكن مثلا عبارة عن categorical values

والمشاكل اللي بتكون من النوع ده كتير جدا جدا : مثلا
- Customer Churn Classification
- Spam Ham Filter Classication

من أشهر الألجوريثمات المستخدمة هنا : 🤓🤓

- K Nearest Neighbor (KNN)
- Support Vector Machines (SVM)
- Decision Trees & Random Forest
- Adaptive Boosting (Adaboost)
- Stochastic Gradient Descent Classifier (SGD)
- Logistic Regression (Classification not Regression)

--- تابع البوست القادم ---