MYO GYM

كل عام وانتم بخير وعيد سعيد علي الامه الاسلاميه
المواعيد بعد العيد
بنات
يوميا من الساعه ١١الي الساعه ٥ ماعدا الجمعه
رجال
يوميا من الساعه ٥ حتي الساعه ١مساء
ننتظركم ونسعد بخدمتكم وتحقيق اهدافكم

المشكلة الاساسية ان اغلب الناس
هدفها من انها تعمل دايت انها تنزل وزنها على الميزان وخلاص فبتلاقي شكل جسمه زي ما هو بس على اصغر .. لازم تفهم ان اول واهم سبب انك تخسر دهون انك تكسب صحتك.
يعني تقلل من فرص اصابتك بامراض القلب و الشراين و السكر والام المفاصل و ليلة كبيرة اوي سعادتك من امراض سببها الرئيسي السمنة ..وزنك ع الميزان ليس إلا رقم ملوش علاقة دايماً بحالتك الصحية ..ياما ناس اوزانهم مثالية على الميزان و الـBMI بتاعهم Normal وعندهم امراض سمنة!! ..انت مش هتحط على راسك ورقه مكتوب عليها وزنك للناس..صحح تفكيرك وانت هتفهم ان مفيش حاجه اسمها هعمل دايت ولما اخس ارجع لنظام اكلي القديم و لو حد قالك كدا استحضر روح الفنان ساموزين وهو بيقول هاهاهاهاو 😂
لأن المعادلة بتقول انك هترجع لاكل زمان هتتخن زي زمان بمنتهى البساطة وبدون اي تعقيدات😂✋ ..و بكدا تكون دي الحالة الوحيدة اللي كسرت قاعدة الفنان عمرو دياب لما قال عمرنا ماهنرجع زي زمان👏💃

😂😂

عاوز اجاوب علي سؤال شاغل تفكير ناس كتير اوي وهوا ليه اول ما اعمل دايت جسمي بيخس لحد ما يوصل لمرحله جسمي وزنه بيثبت فيها ؟ 😕

سؤال جميل وموضوع مهم يلا بينا نشرحه ببساطه 😉
طبعا بمجرد مانعمل دايت بنلاقي جسمنا بينزل في الوزن لحد مايجي مرحله ثبات الوزن والمرحله ديه بسميها اكون او لا اكون ازاي بقي في ناس كتير بتلاقي وزنها بقي ثابت بتمل وتكسر الدايت عاوز اقولك انك ممكن يكون وزنك ثابت بس بتخس اه والله زي مابقول لحضرتك كدا ازاي بقي اقولك انا هوا مش معني ان وزنك بيقل علي الميزان يبقي انت كدا بتخس لا دي ليها معاير تانيه زي ايه اقولك انا زي محيط الوسط ممكن ينزل كام سنتي الارداف خست شويه وده للناس الي بتلعب رياضه مع الدايت فاممكن تلاقيها العضلات وزنها بيزيد والدهون نسبتها بتقل وده ممكن في مرحله يسبب ثبات الوزن او ممكن وزنك يزيد كمان بس انت شكلك اتغير للاحسن وديه حاجه كويسه 👌
فيه سبب تاني لثبات الوزن وهوا انك ممكن تكون متخيل انك ماشي علي دايت صح وانت بتختار اكل سعراته الحراريه كبيره وده بيخليك تعدي سعراتك المحدده في اليوم او مثلا في ناس كتيره مفكره مثلا ان اللحمه بروتين وبالتالي لو اكل كميه كبيره مش هيتخن او بياكل مثلا اكل سعراته الحراريه قليله بس زود الكميه ويقولك مش بيتخن عاوزك تمشي بالمبدأ ده اي حاجه تزيد عن حدها تقلب ضدها يعني مثلا مش علشان اكل سعراته الحراريه قليله يبقي اكل منه الكميه الي انا عاوزها ده غلط وده ممكن يخلي وزنك ثابت في مرحله من مراحل الدايت 😱
السبب التالت ده مهم اوي اوي واغلب الناس مش عارفاه وعايزكو تركزوا فيه وهو ان الناس مفكره انها لو اكلت وجبه او وجبتين في اليوم هيا كدا هتخس وده غلط غلط غلط واي حد بيديك علي الفطار بقسماطه وخياره والكلام الفارغ ده غلط واوعي تسمع الكلام لانه بيضرك وده لانك ماتقلل سعراتك الحراريه بشكل كبير عن الي الجسم معتاد عليه جسمك بيبدأ جسمك يخس فعلا بس شكله مش بيتغير لأ بيبقى نفس الشكل بس على أصغر و بكدا محدش هياخد باله إنك خسيت و تبقى راحت فلوسك ياصابر 😂 بعد كدا جسمك بيخش في مرحله مجاعه يعني ايه الكلام ده يعني انك مره واحده قللت الاكل بصوره كبيره وده بيخلي مخك يحس ان في خطر على الجسم فبيحاول قدر الامكان يخلي وزنك ثابت من خلال ان الاكل الي انت بتاكله ده بيتحول لدهون وبالعكس ممكن وزنك يزيد مش يقل ده غير ان عدد الوجبات القليل بيقلل الحرق بعني انت بوظت الدنيا من جميع النواحي
يبقي لازم تعرف اسباب ثبات الوزن وانك لازم تبقي ماشي علي دايت تحت اشراف دكتور تغذيه لانه هيفيدك اكتر من اي حد
خلاصة الكلام خلي مرايتك هي ميزانك و سيبك من الرقم اللي بتشوفه على الميزان دا 😃
ربنا يوفق الجميع :-D