When do we come back

مشكله م الخاص محتاجه رائيكم

أنا صيدلانيه وخطيبي طبيب بشري وقصدت اقول كده عشان اقول ان فيه تقارب في المستوى التعليمي ، أنا ٢٥ وهو ٢٧ يعني كمان فيه تقارب في السن
هو كويس جدا وشكله جميل ومحترم جدا ومهتم بلبسه وبجسمه وبطريقه كلامه
أنا عندي مشكله معاه وهي ان في حاجات سارده في مجتمعنا هو مش بيطىبقها وبيحسىبها حساب ديىني بحت وده مخليني خايفىه منه بعد الجواز
يعني مثلا لما بيكون عندنا والأذان يؤذن بيسيبني ويسيب بابا (قبل ما يجي بيرن علي بابا يتأكد انه موجود ومبيتكلمش معايا الا لو بابا قاعد) وبينزل يىصلي ف الىجامع ،بقوله ممكن تىصلي هنا لكن ميصحش تسيب الراجل كده كل مره وتنزل وفعلا قالي عندك حق وبطل يجي غير بعد العشاء سواء صيف او شتاء
مره تانيه قولتله ايه رايك نشرب حاجه بعد الشغل في اي مكان قالي موافق بس هاتي اخوكي معاكي قولتله حاضر ولما جيت يومها اخويا كان تعبان جبت اختي اللي هي اصغر مني ب ٤ سنين رفض يقعد معانا وجابلنا غدا وركبنا تاكسي وروح معانا البيت اتغدينا سوا وقالي مينفعش تجيبي اختك أنا قولتلك اخوكي عشان لا يجوز للمرأه ان تكون محرم

حاولت افهمه كتير ان فتره الخطوبه اتعملت عشان نتعرف علي بعض ونتكلم في حياتنا لوحدنا وبراحتنا قالي وهو شرع ربنا هي اللي هتقل من راحتك
آخر مشكله حصلت بينا واللي بسببها فكرت فعليا في ان هو فيه كل المميزات اللي خلقها ربنا الا ان دماغنا مش واحده
هي انه جه من اسبوع وقالي هو انتي حبتيني قولتله ايوه قالي وانا كمان حبيتك اوي ومبقتش عارف أعيش يوم من غير ماشوفك فيه وفي الحاله دي لازم نقطع بينا الرؤيه لحد كتب الكتاب قولتله ازاي يعني قالي يعني الرؤيه معموله لحد مالعريس والعروسه يقبلو بعض وأول مايحصل القبول تحرم الرؤيه حتي كتابه العقد ولو كانت في وجود محرم مذكر. قولتله يعني انت مش عايز تشوفني تاني لحد مانكتب كتابنا اللي هو بعد سنه قالي ده شرع ربنا
ولما بابا اتدخل بينا قاله ياعمو احنا ممكن نكتب الكتاب دلوقتي وعشان تتطمن أنا مش هاجي هنا ولا هقعد معاها إلا لو حضرتك موجود وبابا رفض وقاله لا أنا عاوز أخوها الكبيرالنىستفز يحضر كتب كتاب اخته
وبقالنا اسبوع مش بنتكلم خالص ولا بشوفه وحاسه انه وحشني
ولما بيعوز ياخد رايي في حاجه في الشقه بيبعت الصور لاخويا ع الواتس وهو بيوريهالي
اعمل ايه أنا بجد متلغبطه صاحبتي بتقولي مش عشان متدين تثقي فيه لدرجه الجواز وكمان انتو مش شبه بعض وماما بتقولي واحد زي ده لازم تمسكي فيه بايدك وسنانك .