Market Way

_ تفتكر إيه سـر سعادته ؟

_ بالظبـط كـدا قدر يحصد نتيـجة شغـله وتعبـه اللى أخـد منـه وقت كبيـر فـى تجهيزه , وطبعـا النتيجـة زى مـا إنتـا شايف الإبتسـامة والفرحـة وتذوق طعـم النجـاح .. 🤩

_ خلينـا نطبـق إستراتيجيـة المزارع على تسـويق البيزنيس بتـاعك خطوة بخطوة .. 👌

_ أولا :- علشـان نزرع لازم نلاقى تربـة كويس = فهم السوق المستهدف (Market Research)

المزارع مش بيزرع في أي أرض , وانت كمان مينفعش تتبيع لأي حد .

التسويق هنا يبدأ بدراسة العملاء : همـا مين , عـايزين إيـه بالظبط وإحتياجاتهم إيه , مشـاكلهـم عاملـه إزاي ؟

_ ثانيا :- تجهيز الأرض = تجهيز البراند والظهور الاحترافي (Branding & Positioning)

الهوية البصرية القوية + البراند القوي هما "الأرض" اللي كل شيء هيطلع منها .

رسالتك , رؤيتك , صوتك , ألوانك = تهيئة أرضك للزراعة .

_ ثالثـا :- إختيـار البذور = تحديد الـ USP ( العرض الفريد المميز )

مش أي منتج وخلاص تبدأ تبيعه , لازم تزرع بذور نادرة منتجك أو خدمتك لازم يكون فيها عنصر تميز (سرعة - جودة - سعر - خبرة - راحة - خدمة عملاء ) .

_ رابعا :- الزراعـة = استخدام استراتيجيات جذب (Inbound Marketing)

تبدأ تزرع محتوى , بوستات مفيدة , فيديوهات توعوية , لازم تزرع إسمـك وسط الجمهور بتـاعك’ إوعـى تطلـب من العميـل إنـه يشترى منك فـى أول مرة يشـوفـك فيها .

_ خامسا :- الري = استراتيجيات التفاعل والمتابعة (Engagement Strategies)

الزرع لازم يتروى بـإنتظـام الإهمـال بيموت الزرع , لازم تنزل محتوى بـإنتظـام , كل يوم تنشر محتوى علشان تلاقي إستجابة وتعليق وتفاعل .

سادسا :- التسميد = التسويق بالعروض (Offers & Campaigns)

سمدة قوية = عرض مغري

خصم محدود , إضافة هدية مجانية , ضمان إستبدال وإسترجاع , الشحن المجاني .

سابعا :- مكـافحة الافات = التسويق الدفاعي (Handling Objections)

العميل هيخاف يجربك أو يكون متردد , إنتا دورك تطـمنمه تقدملـه كل الضمانات اللى تخليه يثق فيـك وتعرضـله الفيد بـاك بتـاع العملاء اللى جربوك ونفذوا قرار الشراء قبل كدا .

ثامنا :- العنـاية المستمرة =التسويق بالعلاقات (Relationship Marketing)

برامج ولاء , عروض حصرية , إفتكر العملاء بتوعك وقدملهم عروض فى الأعياد والمناسبات الخاصـة , تـابع مشـاكلهم وشوف حلهـا كل دي طرق تسويق للعناية بالعميل وبناء علاقة قوية بينـك وبينـه .

تاسعـا :- الحصـاد = استراتيجيات التحويل (Conversion Strategies)

لما كل اللى فات يتركب صح ويتنفذ هتبدأ تجني وتحصد مبيعات و ترشيحات عملاء جدد عن طريق العلاء اللى جربوك قبل كدا هتبدأ تعمل نمو طبيعي من غير مـا تزود ميزانية التسويق بتـاعتك .

ومش هنقف عنـد هنـا وخلاص إحنا هنبدأ نتوسع ونعمل (Scaling & Retargeting) , نبدأ نعيد إستهداف الجمهور بتـاعنـا بمنتجات جديدة ونبدأ ندخـل أسواق جديدة علشان إحنـا بدأنـا صح وأسسنـا مزرعـة تخلينـا نتوسع وإحنـا متطمنين .

ابدأ رحلتك التسويقية الصح بزرعة صغيرة النهاردة , وحصاد ضخم بكرة .. 🤝

إستعــد للإختفــاء , لـو مقدرتش تميـز نفسك .. !!

_ تخيل معايا يا صديقى ..

_ أنت قاعد في البيت جعان وكل دقيقة بتحس إنك مش قادر تستنى أكتر
فتقرر تطلب برجر , سهل وسريع وهيشبعك ,.

_ تفتح موبايلك تلاقي قدامك أكتر من 10 مطاعم بيقدموا نفس البرجر تقريبًا بس المشكلة فى حاجة إنـك عايش فى القاهرة العاصمة أكتـر محافظة فيها إزدحام مرورى !!

هتختـار مين يحللك المشكلتين الجوع والسرعة فى التوصيـل ؟

_ المطعم اللي هيطمنك إن أكلك هيوصل بسرعة قبل ما يجيلك إحباط ✅

هنا بالظبط , كان تفكير ماكدونالدز .. 💡

_ في بداية الألفينات , ماكدونالدز لاحظت حاجة مهمة جدًا:

المنافسة كانت شرسة ..

الجودة؟ الكل بيقدمها.
الأسعار؟ فيه اللي أرخص منهم.
الطعم؟ أذواق.

لكن نقطة الألم الحقيقية للعميل؟
الانتظار و البطء فى التوصيل والإحساس الشديد بالجوع اللي بيقلب بعصبية.

فماكدونالدز وقتها قررت تشتغل على الـ USP بتاعها :

"أسرع دليفري في مصر"

مش مجرد شعار , لا دا كان وعد حقيقي مدعوم بمنظومة تشغيل دقيقة .

_ إزاي الكلام دا فرق معاهم ؟

📌 لما الناس بقت جعانـة ومش مستعدة تضحي بثانية زيادة، ماكدونالدز بقى هو أول اختيار.

📌 لما الزحمة والوقت الضايع بقوا كوابيس يومية، براندهم بقى هو "المنقذ".

📌 لما المنافسين كانوا بيقولوا "هنوصلك في خلال ساعة"، ماك كان بيوصلك قبل ما تحس إنك اتضايقت أصلًا !

_ النتيجة : ارتفاع الطلبات، زيادة الأرباح، وصورة ذهنية قوية مترسخة في عقل العميل:

"عايز تاكل بسرعة؟ اختار ماكدونالدز"

ودا كـان كلام الرئيس التنفيذي للشـركة وقتهـا جيم سكينر .

_ هل تعلم أن 90% من العملاء بيقرروا إذا كانوا هيشتروا منك تاني , بناءً على تجربتهم مع خدمة العملاء !

يعني مش بس المنتج أو السعر أو طريقة العروض و التسويق كفـاية , طريقة تعاملك معاهم هي اللي بتخليهم "يشتروا , ويكرروا الشراء" .

_ لو عندك خدمة عملاء فعالة ✅

سرعة في الرد = عميل بياخد قراره أسرع

أسلوب محترم = ثقة متبادلة

حلول واضحة = عميل راضي , وبيرشحـك لعملاء تانية غيره

_ نصيحة لكل صاحب بزنس .. 👇

استثمر في فريق خدمة عملاء قوي ، لأنهم مش بس بيردوا على الرسائل, دا خط الدفاع بتاع مشـروعك وبيقفلوا الصفقات وبيحافظوا على عملائك الحاليين .

اصنع الحلول .. .. لا تعيش دور الضحيه 🙏