CAETUS

خلى ذكرياتك زى مراية العربية ...... بتبص فيها عشان تاخد بالك من الطريق..... بس متطولش

"اختر الصديق قبل الطريق"
الناس دى عمرها ما هتتعوض ..... كل واحد كان متميز ف مجاله ....ربنا يجمعنا على الخير دايما ومن نجاح لنجاح

في البداية نحب نعتزر لكل الناس اللي بتحبنا ونطمنهم باننا عملنا اللي علينا والله واكتر بس دي ارادة ربنا والموضوع السنه دي من بدايته كان صعب جدا .احنا قعدنا حوالي 3 اسابيع بنحاول نحصل ع فلوس دعم للسفر وكنا سيبين امتحاناتنتا وكل يوم ف القاهرة متبهدلين واننا اقل فريق ف العدد وكمان عدم سفر محمد وبلال مع الفريق كان ليه اثر كبير جدا ولحد يوم الاحد قبل السفر بيوم مكناش مسافرين اساسا لان الناس كان عندها مشاكل ف تصريح الجيش والله عرفنا اننا هنسافر يوم الاحد العصر . ويوم مارحنا مطار القاهرة اتسرق مننا 1200دولار بس اكيد خير .وغلطنا غلطة كبيرة جدا أننا فككنا الجهاز اجزاء وحطيناه ف الشنط علشان نوفر تكاليف الشحن كاملا وكانت رحلة شاقة جدا واخترنا ارخص خطوط من ناحية التكاليف .واستمر السفر حوالي 18 ساعه .ولما وصلنا لقينا الجهاز طبعا شبه اتدمر لاننا قطعناه ف المطار بسبب الوزن واتبهدل ف السفر واضطرينا هنا طبعا ندور ونلف ع الادوات بديلة للي اتكسرت وفضلنا يومين متواصلين من غير نوم شغل علشان نخلص الاصلاحات ف الجهاز
وفي اول محاولة لينا نسينا جلنده مفتوحة ف كبسولة العزل وده كان من ضغط الشغل علينا وكنا متاخرين ع ميعاد الماتش وطبعا دخل ليها مية وبكده خلصت اول محاولة . وفضلنا طبعا اليوم ده صاحين نشتغل مفيش نوم وكان ربنا بيحبنا انه محاولة التانيه ف اليوم التالي وبالفعل صلحنا كل الاعطال والمشاكل اللي حصلت وتم تجمع الجهاز بالكامل وكان شغال كويس جدا بس للاسف بسبب ضيق الوقت والضغط العصبي ع اعضاء الفريق . قفلنا كل الجلندات بس نسينا نحط كاوتشه العزل في احدي الجلندات وفي وقت اختبار الاتزان دخل مية والجهاز دخن وحرمونا من دخول الماتش مع اننا كنا ممكن نستغي عن الجزء ده من الدواير ونكمل الماتش بس قدر الله وماشاء فعل
واحنا بنشكر المهندس محمد عبود لانه متبهدل معانا من اول ماجيينا وبجد احنا كان نفسنا نحقق مركز كويس ونفرحك بس والله عملنا كل اللي نقدر عليه .....
وبنشكر كل الناس اللي وقفت جمبنا الاستاذ اشرف مدير عام الكلية والعميد واكاديمية البحث العلمي واتحاد الطلبة وخاصة المهندس أحمد شقير .
واحنا ان شاء الله دي مش اخرنا دي البداية والحمد لله جهازنا شغال وبيعمل بكفاءة وان شاء الله هنستخدمه ف مشروع بحث علمي داخل مصر
علشان مش بس الي بره يتسفادوا بيه لا الاولي بلدنا
واستفدنا كتتير جدا من الرحلة السنه دي معرفه ناس جديدة وفرق كتتير زي الفريق الروسي اللي بيتميز بروح عاليه جدا وانهم كانوا احسن ناس موجوده من شغل وجهاز ولكن الحظ لم يوافقم ايضا وبالرغم من كده كانوا مبسوطين والفريق الصيني كان ممتاز ويوم الحفلة النهائية ادولنا هدية لفريقنا بحيث يكون تذكار كويس والفريق السعودي ايضا اتشرفنا بمعرفتهم .وكان عندنا زيارة لجامعه واشنطن الحقيقة كانت كويسة وقمنا بزيارةالمعامل الخاصه بيهم واكتشفنا ان الفرق بينا وبينهم مش الافكار لا هي التكاليف وامكانيات التصنيع ومعامل الاختبارات الكاملة .............
وفي الاول والاخر ده نصيب وقدر الله وماشاء فعل
فريق كايتوس

Belal and Mohamed, we miss you guys and hope you are doing fine.

We have just arrived to Tacoma airport!