ROYCE

⚠️ خلي بالك ..
قريباً جــــــداً .. هايتم ايقاف "الموبايلات" اللي بضمان دولي ✋

يعني لو حضرتك اشتريت تليفون بضمان دولي فلازم تسدد رسوم علشان قريباً جداً الخدمة على تليفونك هاتوقف وهايبقى مجرد حتة حديدة في إيدك.

اللي حصل اليومين اللي فاتوا إن فيه ناس بدأت توصلهم مكالمات صوتية وهما بيعملوا مكالمات بتنبههم بإنه مش هايتم بعد كده إتمام المكالمة بناءاً على التعليمات الصادرة من مرفق تنظيم الاتصالات بضرورة استبدال الجهاز الحالي باًخر مسجل تجارياً .. أو القيام بتوفيق الأوضاع .

🚫 طيب انت كمستخدم تعمل إيه لو اشتريت تليفون دولي ؟🤔

بص ياسيدي .. القرار نفسه مش جديد القرار ده اصدره الجهاز في شهر يونيه اللي فات يعني تقريباً من حوالي 10 شهور.

بس الخدمة ماوقفتش عند العملاء اللي اشتروا الموبايلات دي لحد من كذا يوم كده لما بدأت المكالمات الصوتية توصل للعملاء.

الجهاز قال في قراره إن على العميل تسديد رسوم لاعتماد الأجهزة السلكية: ما يعادل 200 دولار أمريكي (طبقاً للسعر المعلن من البنك المركزي في حينه) ، مقابل ما يعادل 400 دولار للأجهزة اللا سلكية (طبقاً للسعر المعلن من البنك المركزي في حينه).

⚠️ الحقيقة القرار محتاج تفسير وشرح أكتر من الجهاز ، وده اللي هانعمله بكرة لما نكلم مصادرنا ونفهم أكتر منهم طبيعة تنفيذ القرار والرسوم اللي هايدفعها العميل .

🗣| طبعاً اكتر ناس ممكن تضّر في الموضوع ده المستخدمين اللي اشتروا "آيفون 12" والـ "S21" من بره 😭😭
#العمدة