banatoffline.com

عبور آمن غدا ❤️❤️

عبور آمن ….

في إطار التوعية بأهمية مرحلة المراهقة وما تحمله من تغيرات نفسية وجسدية وصحية، يشرفنا تنفيذ لقاء توعوي مع طالبات مدرسة النيل للإعلام النموذجية بعنوان:

“سلسلة عبور آمن للفتيات المراهقات”

يهدف اللقاء إلى:

- فهم التغيرات الفسيولوجية في سن المراهقة
- التوعية بالصحة الإنجابية للمراهقات
- دعم الصحة النفسية والتعامل مع المشاعر والتحديات
- تعزيز الثقة بالنفس وبناء وعي صحي سليم

مع الدكتورة / وداد الاحمدي
كبيرة اطباء بشربين بمديرية الصحة

والاستاذة/ نيفين عبد العزيز
ميسرة العلاج بالفن

وذلك بالتعاون المثمر والمستمر مع
مركز النيل للإعلام

نؤمن أن المعرفة الآمنة هي أول خطوة لعبورٍ آمن 💜

إحنا مش بنطالب بمجاملة، إحنا بنطالب بتشريع ينقذ أرواح.
الستات في مصر بيتعرضوا لعنف يومي: ضرب، تحرش، اغ**اب زوجي، ختان، زواج قاصرات، ابتزاز إلكتروني…
وكل ده بيحصل تحت عين القانون، بس القانون ساكت، أو بيبرر، أو بيخفف العقوبة باسم “الرأفة” أو “التأديب”.
علشان كدة بنطالب البرلمان الجاي بـ:
• إصدار قانون موحد للعنف الأسري، يعرفه ويجرّمه بكل أشكاله: الجسدي، النفسي، الجنسي، الاقتصادي.
• تعديل المواد اللي بتبرر العنف، وعلى رأسها المادة 60 والمادة 17.
• تجريم الاغ**اب الزوجي بشكل صريح، من غير تردد أو مواربة.
• تجريم زواج القاصرات بكل أشكاله، مش بس منع التوثيق.
• تشديد العقوبات على ختان الإناث، وتطبيق فعلي للقانون.
• إنشاء وحدات شرطية وقضائية متخصصة ومدربة على التعامل مع الناجيات بحساسية وكفاءة.
• توفير أوامر حماية فورية للستات اللي حياتهم في خطر.
• دعم نفسي وقانوني وبيوت آمنة للناجيات أكتر ، بتمويل حكومي واضح ومن غير تمييز وبموازنات مراعية للنوع الاجتماعي .
التشريع مش رفاهية… التشريع هو الفرق بين حياة وآذى، بين أمان وخوف، بين صوت بيتسمع وصوت بيتكتم.
البرلمان الجاي قدامه فرصة تاريخية إنه يكتب قانون بيشوف الستات بيحميهن وبيحترم كرامتهن.





#بنات _أوفلاين

ليه دايمًا بنتكلم عن حقوق البنات والستات؟
لأن في لحظات كتير القانون مش بيكون في صفنا وساعات بيقف ضدنا بدل ما يحمينا، وده مش طبيعي وكمان مش مقبول.
إحنا بنبدأ الحملة دي علشان نفتح الكلام، نكسر الصمت ونطالب بحقوق واضحة من البرلمان الجاي، بتعريفات مش ناقصة ولا معقدة، ولا تسمح بأي التفاف قانوني على اللي بيحصل للستات.
عاوزين حقوق قانونية تعبر عن كل بنت وست.
عاوزين قوانين تحمينا بجد مش قوانين تخلينا نخاف نطلب حقنا.
تابعونا لأن التغيير بيبدأ بالكلام، وبيكمل بالفعل ✊