Mo ELSheikh 22

ركز كويس .. حلمك البعيد اللي نفسك توصله في ناس كتير وصلتله قبلك،، ووضعك الحالي هو حلم ناس تاني دلوقت ونفسها توصله والحياه نسبيه جدا والنجاح مفهومه مختلف من شخص للتاني والرضا مفتاح السعاده والطموح لا يتعارض مع الرضا.. طموحك هيخليك تعمل على تغير واقعك،، ووضعك الحالي نتيجه قرار اخدته زمان وقرارك النهارده هيحدد وضعك في المستقبل والحياه مش سهله ومش هتديك اللي انت عايزه بدون مقابل، وانت مش مطالب بالنتايج مطالب بالسعي والنتايج ربنا هيقدرلك الأفضل♥️🫶

لو حسيت إن يومك عدى من غير إنجاز وبدأت تحس بالإحباط اذكر الله.

لأن الذكر ممكن يغفر ذنب، يكتب حسنة، يرفع درجة، يبني بيت أو يزرع نخلة في الجنة، يكون عدل تحرير رقبة، يعتق من النار.

كل دى إنجازات حقيقية وملموسة هتشوف حصادها بنفسك فى الحياة الآخرة بسبب اللى هتعمله فى يومك ده ♥️🍃

فكرة إنك تحاول تتخطى حاجة جواك مسببالك حُزن و وجع وتعباك نفسيًا دي حاجة مش سهلة خالص .

الحقيقه إن الواحد بيعافر وقت طويل عشان بس يقدر يعدي من الفترة دي وممكن في الأخر يلاقي نفسه لسه واقف مكانه زي ما هو والمجهود والمُعافره ومحاولاتك كان على الفاضي .

فادعي دايمًا إن ربنا يعين كُل واحد بيحاول يتجاوز ويتخطى مرحلة مُعينة كانت سبب تدميره نفسيًا 🍃

إنت جاي الدنيا تمتحن وتمشي
هيجيلك امتحان في اليُسر وامتحان في العُسر، وهيجيلك امتحان في الصبر وامتحان في الفقد، هتختبر في أخلاقك و مبادئك وطموحك ومشاعرك، هتتحط في مواقف مُحيرة محتاجة قرار داخلي منك، وهيتعرض عليك أمور سهلة ومُغرية لكنها مُهلكة.
الشطارة مش إنك تكسب فلوس ولا تاخد منصب ولا تطلع الأول، الشاطر اللي هينجح في الإمتحان اللي بجد 👌💯