Arcon For Construction

اعمال صبه اعمدة بالكوثر

معلومات مهمة للمهندسين
من اكتر الحاجات اللي بتلغبط جداا في حديد التسليح هي إتجاه الفرش والغطا وعلشان كدة البوست دا هتلاقي فيه كل التفاصيل الخاصة بالفرش والغطا في العناصر المختلفة :

1- البلاطات الـ Solid Slab :
دايما البلاطات الـ Solid Slab إتجاه الفرش في الإتجاه القصير و إتجاه الغطاء في الإتجاه الطويل
فيما عدا حالة خاصة واحدة فقط الفرش بتاعها بيكون في الإتجاه الطويل
حد عارف ؟
الحالة دي لما يكون عندنا بلاطة One Way Solid Slab محمولة علي كمرتين فقط و الكمرتين دول في الإتجاه القصير فيكون إتجاه الحمل الرئيسي عمودى علي الكمرتين يعنى الإتجاه الطويل و بالتالي يكون الفرش في الإتجاه الطويل و الغطاء يكون في الإتجاه القصير
2- البلاطات الـ Flat Slab :
بص لو المصمم قال إن الشبكة في إتجاه X مثلا 5 فاي 10 و في إتجاه Y مثلا 7 فاي 12
يبقي أكيد الفرش يكون في إتجاه التسليح الأكتر يعنى في إتجاه Y
طيب لو الشبكة في الإتجاهين زي بعض ؟
ساعتها نبص علي إتجاهات الحديد الإضافي لو الحديد الإضافي في إتجاه X أكثر من إتجاه Y ساعتها نفرش في إتجاه الحديد الإضافي الأكثر يعنى في الحالة دى إتجاه X
طيب لو عدد الإضافي في الإتجاهين زي بعض نعمل إيه ؟
ساعتها تفرش في الإتجاه الطويل ( خلي بالك الإتجاه الطويل للباكية مش للسقف كله)
و تغطي في الإتجاه القصير
و في الحالة دي بينى و بينك مش هيفرق إتجاه الفرش و الغطاء أوي
3- البلاطات الـ Hollow Block :
في الـ One Way Hollow Block بيكون الفرش في الإتجاه العمودي علي الأعصاب الـ Ribs علشان أسياخ البلاطة متقعش داخل العصب و الغطاء بيكون في الإتجاه الموازى للأعصاب
أما في البلاطات الـ Two Way Hollow Block مش فارقة
4- السلالم :
لو كانت القلبة متحملة علي كمرتين يمين و شمال مع السلم ساعتها الفرش بيكون في الإتجاه القصير
لو كانت القلبة متحملة علي كمرتين كمرة في منسوب الدور و كمرة في منسوب نصف الدور ساعتها يكون الفرش في الإتجاه الطويل
5- القواعد المنفصلة isolated Footing :
الفرش في إتجاه الرفرفة الأكبر
لو الرفرفة متساوية يبقي المومنت متساوي يبقي مش فارق إتجاه الفرش و الغطاء بس يفضل نفرش في الإتجاه الطويل زي ما مرسومة في الملحق المصري للتفاصيل الإنشائية لسنة 2001 صفحة 97
لو التسليح في أحد الإتجاهات أكبر من الإتجاه الأخر يتم الفرش في الإتجاه ذات التسليح الأكبر
6- القواعد المشتركة Combined Footing :
الفرش في الإتجاه الطويل (الإتجاه الموازي للخط الواصل بين العمودين) ده في الشبكتين و الغطاء يكون في الإتجاه القصير
7- قواعد الجار Strap Beam Footing :
الفرش يكون في الإتجاه الموازي للجار العمودى علي الكمرة
الغطاء يكون في الإتجاه الموازي للكمرة
8- القواعد الشريطية Strip Footing :
الفرش يكون في الإتجاه القصير و الغطاء في الإتجاه الطويل
9- اللبشة Raft :
زي الـ Flat Slab بالظبط

اعمال شد نجارة الاعمدة لدور الرابع بموقع الكوثر
للتواصل ٠١٠١٤٤٧٨٧٦١ - ٠١١١٤٦٧١٢٢٥

اعمال تنفيذ شركة اركون للانشاءات
اهم من الشغل تظيبط الشغل، اعمال صب خرسانة لسقف الدور الثالث لموقع الكوثر بالغردقة.
للتواصل ٠١٠١٤٤٧٨٧٦١ - ٠١١١٤٦٧١٢٢٥

steel reinforcement for the swimming pool footing
Location: Mubarak 2
for details
01014478761 - 01114671225

حديد التسليح لقاعدة حمام السباحة
الموقع: مبارك 2
01014478761 - 01114671225