ISON Solutions

المورديـن - إضافة أو تعديل أو حذف
1- الموردين
2- لإضافة أو تعديل أو حذف مورد من الشاشة الرئيسية
هنضغط على البيانات الأساسية وبعدين هنضغط على الموردين .
3- عشان نضيف مورد جديد هنضغط على علامة ( + ).
4- أول حاجة رقم المورد .
5- عشان ندخل رقم المورد في طريقتين لإدخال كود المورد.
6- يا إما أدخل الكود يدوي لو أنا مكود الموردين قبل كدة.
7- ولو أنا مش مكود قبل كدة بسيب الكمبيوتر يكوده لوحده .
8- هنروح على خانة إسم المورد مثلا ( سامي طاهر ) .
9- لو المورد تابع لشركة معينة هنختار الشركة التابع ليها ولو مش تابع لشركة معينة هنسيبها فاضية .
10- نروح لخانة التليفون ونكتب رقم المورد مثلا 023379027 ونكتب رقم المحمول مثلا 01092229877ولو مفيش تليفون للمورد هنسيبه فاضي.
11- نروح للعنوان ونكتبه مثلا 345 شارع الهرم محطة التعاون .
12- في حالة لو أنا مش هتعامل مع المورد دة تاني بعلم على غير فعال عشان ميظهرليش في قائمة الموردين .
13- لو عايزين نضيف مورد جديد هنضغط على حفظ وجديد ولو مش عايزين هنضغط على إغلاق .
14- لو عايز تعدل أو تحذف مورد معين هنضغط دبل كليك على الكود بتاعه وتعدل اللي انت عايزه مثلا هنعدل رقم التليفون 0235972246 ولو عايز تحذفه تضغط على حذف سجل .

أنواع الأصناف - لإضافة نوع صنف جديد أو تعديله أو حذفه

1- أنواع الأصناف :
2- لإضافة نوع صنف جديد أو تعديله أو حذفه من الشاشة الرئيسية نضغط على البيانات الأساسية وبعدين نضغط على أنواع الأصناف.
3- لإضافة نوع صنف جديد هنضغط على علامة ( + ) .
4- هنروح على خانة النوع ونكتب نوع الصنف وإحنا هنا بنقسم الأصناف لأنواع يعني مثلا الأنواع الموجودة في السوبر ماركت ( ألبان – بقوليات – مشروبات غازية – لحوم ) أنت كمان تقدر تقسم أصنافك إلى أنواع يعني هنا مثلا هنكتب ( ألبان ).
5- وعشان نضيف نوع جديد هنضغط على حفظ وجديد ولو مش عايز تسجل نوع جديد هنضغط على إغلاق .
6- لو عايز تعدل أو تحذف نوع صنف معين بتروح للكود بتاعه وتضغط عليه دبل كليك وتعدل اللي انت عايزه ولو عايز تحذف الصنف بتضغط على حذف سجل .