3looom Delivery

لا تنسوا محمد مجدي من صالح دعائكم

{إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا}

❤🌸

وأنت ماشي أنت وصاحبك والجو حر...
تلاقي صاحبك مرة واحدة بكل جدعنة يقولك تعالى أعزمك على عصير قصب 😃 *ربنا يرزقنا الصاحب دا 😂*

طعمه حلو ومسكر وساقع وتحس بانبساط بعد ما تشربه كدا 😂
لكن عصير القصب طلع له فوائد كتيرة جدًا
يعني مثلًا أنت عارف إن الشوكلاته بتسبب السعادة وتقلل الإصابة بالإكتئاب *لكن الشوكولاته غليت 😭* عصير القصب بقى ممكن يقوم بنفس الدور تقريبًا بسبب السكريات اللي فيه.
مش بس كدا دا كمان بيزود مرونة ونشاط عضلات الجسم، وبينشط الدورة الدموية، ويقضي على الإرهاق
عنصر الصوديوم اللي فيه بيخليه يحمي من مشاكل ضغط الدم خاصة ارتفاعه، بالإضافة إنه بيعالج مشاكل العقل والأعصاب.

لكن المثل المشهور بتاعنا (الحاجة اللي تزيد عن حدها تقلب ضدها) و زي ما بيتقال (الحلو مش بيكمل للآخر)
زي ما لقينا له فوائد كتيرة طلع ليه أضرار كمان لو شربنا منه كتير...
الدكاتره بتنصح عدم شربه على الريق قبل الوجبات الرئيسية، لإنه يعتبر من مسببات تسوس الأسنان، ومن أسباب مرض هشاشة العظام، بيرفع مستوى السكر فالدم بشكل مفاجئ وعشان كدة محظور شربه لمرضي السكري.
وكمان بيتحول لكحول بسرعة "وأكيد مش هينفع تشرب منكر يعني 😂".

ونرجع لحكمة ربنا لما قال: {وَكُلُوا وَاشْرَبُوا وَلَا تُسْرِفُوا}.

طلبة رابعة حيوان بعد امتحان الهستولوجى النهاردة ؟ 😂

اى مواد تانى علمت عليكم ؟!