MindMap

تفتكروا إيه أول خطوة أي مُبرمج أو مهندس سوفتوير (Software Engineer) بيعملها ؟🤔
= بيكتب كود ؟
الإجابة أنه طبعا لأ 🫢 أول حاجة أي مهندس أو مُبرمج محتاج يتعلمها هي ال Requirements gathering ثم ال Requirements analysis .. طب إيه الكلام ده ؟ و إمتى هنكتب كود؟👀
مبدأيًا يعني إيه Requirements gathering؟ معناها تجميع الاحتياجات ، و ديه إللي هي احتياجات الsystem يعني الحاجات إللي العميل (customer) محتاجها تكون موجودة في ال system إللي بنعمله ده و بنعرفها من خلال طرق مختلفة أهمها أننا بنعمل meetings/اجتماعات مع العميل و بنبدأ ناخد ملاحظات لايه إللي هو عايزه بالظبط و تخيله لل system إزاي بالظبط !
ثم بعدها بنبدأ نعمل Requirements analysis و ده معناه أننا بعد انتهاء الاجتماع بنبدأ نعمل تحليل للطلبات العميل كلها و بنبدأ نشوف هنعملها إزاي و نقسمها بالأولوية و هكذا لحد ما نخلص كل ال requirements ديه ✅❤️
لو عايزين تعرفوا معلومات أكتر عن إزاي تكون software engineer ناجح و عن مجال حاسبات و ذكاء اصطناعي اعملولنا follow و تابعوا ال page بتاعتنا و لو عندكوا أي أسئلة او عايزينا نتكلم عن موضوع معين ابعتولنا أو سيبوه في الكومنتات ❤️❤️

تكملة للبوست اللي فات بعد ما فهمنا دور واهمية ال problem solving عايزين نعرف ازاي بقي نبتدي ؟
احنا مؤمنين ان الممارسة اهم حاجة ممكن تتعلم منها وتزود مهاراتك بسرعة وعشان كده هنقولكم اهم المواقع اللي تقدر تمارس فيها

1 - leetcode

لو هدفك انك تحضر ل interviews او عايز تطبق علي data structures and algorithms في شكل مسائل واضحة وتعلي مهاراتك يبقي اكيد leetcode
عشانك

الموقع متقسم لمسائل easy or meduim or hard
وبيوفر انك تشوف الحل بتاعك وقع في اني test case بالظبط ف دا هيعلي عندك مهارة ال debugging كمان واللي احنا بنرشحه انك تفهم ال concept وتروح تحل عليه لحد ما مستواك يكور وبعدين تحل بشكل عشوائي ودي
وعشان متتهوش في بدايتك في دي قايمه فيها ١٥٠ مسألة متقسمين علي حسب ال topics والصعوبة هتساعدك كتييير ومعها الحلول

https://neetcode.io/practice

2 - codeforces

competitive programming للناس المهتمه بال
وعايزة تدخل مسابقات برمجة المسائل بتاعته اشبه بمسائل المسابقات وبينزل كل فترة زمنية contests في الموقع وبتكون متدرجة الصعوبة كالأتي

div 4 -> div 3 -> div 2 -> div 1

4 اسهل مرحلة و 1 اصعب مرحلة
طبعا زي ما قولنا دا الموقع رقم واحد في التدرب للمسابقات البرمجية ولو عايز تمشي بخطة منهجية ف احنا برشح ليك شيت الدكتور مصطفي سعد مقسم علي مستوي الصعوبة وعلي مستوي ال topics

وفي مواقع تانيه زي spoj ,topcoder , hackerrank , hacker earth لكن احنا وفرنا عليك وقولنالك اهم موقعين وازاي تمشي فيهم ببساطة عشان متشتتش نفسك لان قراية كتاب ١٠٠ مره احسن من قراية ١٠٠ كتاب مره واحدة ❤️
ولو عايز تعرف وتتعلم اكتر تابع صفحتنا ❤❤

بعد ما غيرت سطر واحد بس من ال css
الموقع :

ليه البرنامج اللي مكتوب بلغة زي ال c++ بيكون اسرع من نفس البرنامج بس مكتوب بلغة زي ال python ؟؟

طيب عشان نعرف ليه تعالوا نفهم الحوار من الاول

الكمبيوتر مش بيقدر يفهم وينفذ غير ال machine code اللي هي 0 او 1 بس دي مش لغات نقدر نكتبها بسهولة عشان كده بنكتب بلغة برمجة زي ال c او ال python وبعدين بنستخدم compiler او interpreter عشان يحول اللغات دي لل machine code فيقدر يقرا و ينفذ البرنامج
ال compiler وال interpreter ليهم نفس الاستخدام
لكن مش بنفس الكيفية

ال compiler بيحول الكود كله مره واحده ل machine code وبعدين بيشوف لو فيه اي errors بيعرفنا عشان نصلح الكود ولو مفيش ف الكود بيتحول ل machine علي هيئة executable file زي ال .exe كده والميزة هنا اننا مش محتاجين ال source code عشان نقدر نرن البرنامج لاننا معانا ال exe نقدر نرن البرنامج في اي وقت وكمان وقت الرن اسرع من ال interpreter لانه بقي machine code خلاص والعيب انه بياخد memory اكبر بسبب المساحه اللي خادها ال machine code دا

اما الinterpreter بيمشي علي الكود سطر سطر يحوله ل machine code وينفذه ولو فيه اي ايرور بيوقف البرنامج لكن السطور اللي قبله بتكون اتنفذت بالفعل ولو مفيش فهو بيوقف لما البرنامج بيخلص والميزه هنا ان ال debug بيكون اسهل لاننا عارفين الغلط كان من اني سطر وال memory اقل لكن العيب انه ابطئ من ال compiler عشان كل مره بيرن بينفذ
الكود سطر سطر

وبكده نكون عرفنا اجابة السؤال اللي فوق ليه ال c++ اللي هي بتستخدم ال compiler اسرع من ال python اللي هي بستخدم ال imterpreter