Pure Fantasy

بسم الله..

في البوست ده هفصْحلكم تاريخ ميسي الي قايم على السرقة في الكرات الذهبية.

في البداية خد المعلومة دي كده على السريع....تعرف إن من سنة 2007 (بداية نجومية ميسي) لحد اللحظة الي بكتب فيها البوست دي حفل البالون دور اتعمل 19 مرة في الفترة دي..منهم 7 مرات الي كسب الكرة الذهبية مكسبش دوري الأبطال...ال7 مرات دول منهم 5 ميسي..أيوة زي ما شوفت كده ميسي واخد 5 كرات ذهبية من أصل 8 من غير ما يكسب دوري الأبطال في أي واحدة منهم على عكس الي بيحصل في الوضع الطبيعي!!

تعالو بقى نمسك ال8 كرات الي فاز بيهم ميسي واحدة واحدة..

2009 مستحقة✅

2010 غير مستحقة❌
ميسي كسب الدوري و كاس السوبر و تم طرده في ربع نهائي كأس العالم بنتيجة 4/0.

انيستا كسب الدوري و كاس السوبر و كاس العالم و هو الي سجل هدف البطولة....لكن طبعا انيستا ميكسبهاش لأن المعايير تختلف بمجرد ظهور مدلل الفيفا بدليل إن المدلل كسبها لما حقق كاس العالم.

شنايدر كسب الدوري الإيطالي و الكاس و كاس السوبر و دوري الأبطال و كاس العالم للأندية و وصيف كاس العالم و كان ليه دور مؤثر جداً في ال6 بطولات كلهم...لكنها طبعاً غير كافية ليتوج بالبالون دور في ظل تواجد المدلل.

2011 مستحقة✅

2012 بالرغم من إن كان ممكن يفوز بيها لاعب من تشيلسي لأنهم كسبو دوري الأبطال و ميسي كسب كاس ملك اسبانيا فقط...لكني هقول مستحقة لأن 92 هدف في سنة واحدة شئ خيالي✅

2015 مستحقة✅

2019 غير مستحقة❌
ميسي كسب الدوري الاسباني فقط بس كان مقدم مستوى رائع للأمانة ولكن في أحق منه.

فاندايك الي فاز بدوري الأبطال و كان وصيف البريميرليج أقوى دوري في العالم بفارق نقطة واحدة فقط و فاز بجائزة أفضل لاعب في أوروبا و كان نسخة من أقوى المدافعين في التاريخ لكنه غير كافي للفوز بالبالون دور لوجود المدلل.

ألعاب العقل...فاندايك أفضل لاعب في أوروبا بس مش أفضل لاعب في العالم و في نفس الوقت الأفضل في العالم موجود في أوروبا برضو!!

يعني واحد طلع الأول على الفصل ولكنه طلع التاني على المدرسة و الي طلع الأول على المدرسة واحد هو أصلا معاه في نفس الفصل....اديني عقلك

2021 غير مستحقة❌
ميسي كسب كأس ملك اسبانيا و كوبا أمريكا.

جورجينيو فاز بدوري أبطال أوروبا و فاز ب اليورو و خد جائزة أفضل لاعب في أوروبا زي فاندايك 2019 ولكن للأسف كانو في مواجهة المدلل.

2023 غير مستحقة❌
ميسي فاز بالدوري الفرنسي و كاس الدوريات مع انتر ميامي🥴
و كاس العالم🔥🔥🔥🔥🔥

هالاند فاز بالبريميرليج و اكتر لاعب يسجل أهداف في موسم واحد في تاريخ البريميرليج و فاز بدوري أبطال أوروبا و فاز بكأس الاتحاد الانجليزي و فاز بكأس السوبر الأوروبي و فاز بكأس العالم للأندية.

المد.لسين هيقولو كاس العالم بالبطولات دي كلها
طب ليه ميسي كسبها في 2010 و هو مطرود من ربع نهائي كاس العالم بنتيجة 4/0 و ليه انيستا مكسبهاش ما هو جاب كاس العالم بنفسه و حتى لو مش انيستا ليه شنايدر مكسبهاش يا مد.لسين؟!

وهكذا نستنتج أن ميسي فاز ب 4 كرات ذهبية عن جدارة و استحقاق و سرق 4 كرات أخرى في وضح النهار💯

دمتم بخير و صلوا على النبي.

طب ايه رايكم إن العرة الصهيو.ني ده سرق الكرة الذهبية في 2010 ،2019، 2023.

المفروض يبقى معاه 5 كرات ذهبية بس..

لولاه كان زمان ميسي معداش ربع النهائي في حياته

احا