Moka Store

إزاي نغتنم يوم عرفة؟
تعالوا نصلي على حبيبنا وشفيعنا سيدنا رسول الله صلى الله عليه وسلم

ده جدول تمشي عليه علشان نغتنم اليوم العظيم ده وميضيعش منك ثانية فيه..

ليلة يوم عرفة أول ما المغرب أذن تعرفي إنك بدأت في يوم تحديد مصير، يوم غفران الذنوب، ومن أعظم أيام الدنيا

1- هتفطر وتصلي المغرب وتقعد تهلل وتكبر وتسبح لحد العشاء..
‏2- هتصلي العشاء وتخطفلك ساعتين تنام وتظبط المنبه ولازم تقوم قبل 2

3- هتقوم تتسحر وتتوضي وتجهز الأوضة اللي هتصلي فيها وتقفلها بحيث تعرف تصلي ومحدش يدخل يخليكِ تسرح في الصلاة

4 - لو نمت هنبدأ بركعتين خفاف كده علشان منصَعبش علي نفسنا وهمتنا تنزل من الأول وكده..
‏5-لازم نُكتب من المقنطرين..
هنقرأ من الملك لأخر القرآن"جزء عم، وتبارك"

6- القيام عدد ركعاته غير محدودة بس النبي صلي الله عليه وسلم كان بيصليهم 11 ركعة مثني مثني ويختم بركعة

7- تكون مجهز كل حاجة في الغرفة اللي هتصلي فيها بحيث متخرجش وتنشغلي بحاجة
‏8- ندعي بخيري الدنيا والآخرة اللي هو متدعيش للدنيا وتنسي الآخرة وخلي دايمًا في بالك " ربنا آتنا في الدنيا حسنة وفي الاخره حسنة وقنا عذاب النار"
9 - نبدأ بقي في الاستغفار ونخليه قبل الفجر بربع ساعة علشان نُكتب من "المستغفرين بالأسحار"
‏10- نصلي الفجر جماعة "ومننساش السنة
بعد ما تصلي أوعى تقوم من مكانك قبل ما تغتنم دعاء الملائكة لكِ وردد " لا إله الا الله وحده لا شريك له له الملك وله الحمد يحي ويميت وهو علي كل شيء قدير" عشرًا
ده قبل ما تتحرك من مكانك بعد التحيات
ونقرأ آية الكرسي وأذكار الصلاة
‏11- خلصنا الفجر.. ندخل تاني لمكان قيام الليل ومصحفنا في أيدينا
ونقرأ قرآن لحد الشروق وبعدين نصلي الضحي "علشان تكتب حج وعمره"
12- حط في قلبك يقين بإجابة كل دعواتك
13- أيه دا عايز تنام
هنستغل النوم ونحط في نيتنا إنها تقوية للاستمرار في طاعة الله "قولنا مش هنضيع ثانية"
‏14- الظهر أذن هنصليه بالنوافل.. وهنقعد نقرأ قرآن لحد العصر
15- نحاول نتصدق بقدر الإمكان
16- العصر هنصليه ونقول أذكار المساء ونقرأ قرآن شويه لحد قبل المغرب بساعة
17- ولو بتحضر الفطار فـ هتهلل وتكبر وتسبح وتدعي لنفسك وأنتِ بتحضره..
‏18- نتصل بأقربائنا ونعيد عليهم بنيه صِلة الرحم
19-نحاول نقعد كلنا في مكان ونذكر الله ونذكر نعمته علينا وخلي في بالك أنه سبحانه وتعالى بيذكركم في ملأ أكبر منكم وأجل
20-المغرب أذن هنفطر وندعي لأنفسنا وعائلاتنا وللمسلمين
أسأل الله لي ولكم فرحًا وجبرًا في هذا اليوم.)"

اللهم صلّ على سيدنا محمدٍ
صلاةً تهبُ لنا بها
أكمل المراد، وفوق المراد ،
في دار الدنيا ودار المعاد،
وعلى آله وصحبه وسلّم
عدد ما علمت ،
وزنة ماعلمت ،
وملء ما علمت
اللهمّ صلّ على سيدنا محمدٍ
في الأولين ، وفي الآخرين
وفي كل وقت وحين