Smart Way Group For Consulting & Training

كتير مننا بيتحمس لفكرة مشروع أو شركة، وبيبقى عايز يستثمر فيها فلوسه وشايف فيها فرصة عمره
الحماس حلو، بس في البيزنس، الحماس لوحده بيخسّر. 🤚🚫

قبل ما تطلع دفتر الشيكات أو تفكر تدخل شريك، فيه 4 حاجات لازم تبص عليهم
وردي الخلاصة اللي بستخدمها عشان أفصص أي شركة في دقايق وأعرف إذا كانت تستاهل المخاطرة ولا لأ.👌

1. تحليل الكاش (السيولة):
أول حاجة، سيبك من خانة الأرباح وبص على الكاش
الكاش هو الدم اللي ماشي في عروق الشركة، ممكن الشركة تكون كسبانة على الورق، بس لو معندهاش سيولة تدفع المرتبات والإيجار، هتقف واسأل سؤال واحد: الخزنة فيها كام وهيكفينا كام شهر قدام؟

2. تحليل الربحية:
تاني حاجة، مش أي ربح وخلاص
لازم تعرف الشركة بتكسب كام على كل جنيه بتبيعه (هامش الربح) و هل الهامش ده بيزيد مع الوقت ولا بيقل؟ لو الشركة بتبيع كتير بس مش بيفضلها حاجة في الآخر، يبقى فيه مصيبة في التسعير أو التكاليف لازم تتكشف.

3. تحليل الديون:
تالت حاجة، الشركة دي عايشة على فلوسها ولا على فلوس البنوك؟ الديون زي البنزين المستلف، ممكن يمشيك شوية بس لو خلص فجأة والعربية وقفت في نص الطريق، هتبقى ورطة فــ لازم تعرف حجم ديون الشركة وقدرتها على سدادها بسهولة من أرباحها التشغيلية.

4. تحليل كفاءة التشغيل:
رابع حاجة، الماكينة بتاعت الشركة دي شغالة كويس ولا بترعش وبتطلع دخان؟ بنعرف ده من "سرعة دوران المخزون"

يعني، البضاعة اللي بتشتريها بتقعد قد إيه في المخزن قبل ما تتباع وتتحول لفلوس؟ كل ما المدة دي قلت، كل ما كانت الشركة دي شغالة بكفاءة أعلى وبتعرف تدور فلوسها بسرعة.

الأربع نقط دول هما الأشعة المقطعية لأي بيزنس
لو فهمتهم صح، هتقدر تاخد قرار استثماري وأنت قلبك جامد.

دي مجرد لمحة من طريقة التفكير اللي بنبنيها مع بعض.
فـ لو بتدور على فرصة حقيقية تفهم الداتا وتاخد بيها قرارات تحققلك نجاح حقيقي
ابعتلنا رسالة فيها كلمة "دبلومة" واحجز مكانك قبل ما الخصم ينتهي ⏳

أشوفك في أول خطوة لتغيير شغلك ومستقبلك 👌


#مصر #الخليج