iOS Diab

تحديث iOS 18.5 نزل رسميًا، ومش مجرد تحديث عادي!
******************************************

ناس كتير بتتجاهل التحديثات وبتعتبرها شكلية، لكن الحقيقة إن تحديثات آبل بتكون لحماية جهازك وخصوصيتك.

ليه لازم تحدث فورًا؟
لأن iOS 18.5 بيصلح أكتر من 50 ثغرة أمنية خطيرة، منهم أول ثغرة موثقة لمودم C1 الجديد في iPhone 16e!

أهم الحاجات اللي اتصلحت في التحديث ده:
• حماية الملاحظات من الوصول الغير مصرح حتى من شاشة القفل.
• سد ثغرة كانت بتعرض سجل المكالمات المحذوفة!
• تحسينات في خصوصية FaceTime وإصلاح لمشكلة الكتم.
• تأمين البلوتوث من التطبيقات اللي كانت بتتجسس بدون إذن.
• حماية مشاركة ملفات iCloud من التفعيل التلقائي بدون إذنك.
• إصلاح خطير في Core Graphics كان ممكن يسرب بياناتك.
• وتأمين خاص لأول مودم داخلي من آبل: C1 في iPhone 16e.

كمان فيه مزايا إضافية زي:
• إشعار للآباء لو تم استخدام رمز مرور Screen Time.
• إمكانية شراء المحتوى من تطبيق Apple TV على أجهزة تانية.
• دعم ميزات الاتصال بالأقمار الصناعية على iPhone 13.
• إصلاح لمشكلة الشاشة السوداء في Apple Vision Pro.

قبل ما تحدث:
اعمل نسخة احتياطية على iCloud أو iTunes.

طريقة التحديث:

الإعدادات > عام > تحديث البرنامج > تحديث الآن

سؤال مهم:
هل لاحظت فرق بعد التحديث؟ شاركنا رأيك!