BADRAN
Share
12/09/2019
👍💪💪
راجل و مراته نايمين و الساعه تلاته الفجر لقى جرس الباب بيرن صحى من النوم و هو بيسب و يلعن و بعدين فتح الباب لقى راجل متوسط العمر طفولى الوجه و قاله لمؤاخذه انا اسف انى ازعجتك فى الوقت ده بس انا محتاج انك تنزل معايا و تزقنى
الراجل قاله انت واخد بالك الساعه كام قبل ما تضرب الجرس علينا روح دور على حد غيرى يزقك و قفل الباب و رجع ينام تانى
مراته قالتله مين اللى كان بيخبط فقالها واحد عاوزنى انزل ازوقه و انا مرضتش انزل معاه فمراته قالتله فاكر لما عطلنا فى طريق مصر اسكندريه الصحراوى و ربنا وقفلنا واحد فضل معانا ساعتين لغاية ما صلحلنا العربيه قالها ايوه فعلا قالتله خلاص انزل بسرعه و زق الراجل ينوبك ثواب
الزوج نزل الشارع بسرعه يدور على الراجل عشان يزوقه و فى وسط الضلمه مكنش شايف حاجه فزعق باعلى صوته و قال انت فين يا عم يا اللى عاوزنى ازوقك
فيجيله صوت الراجل من داخل الحديقه اللى ادام البيت و يقوله انا هنا وراك على المرجيحه
Click here to claim your Sponsored Listing.
Category
Website
Address
Cairo
Cairo
