ZAD Telecom for Systemizing the Technology of Sustainable Networks

والخبر دا أكبر دليل علي الحقيقة التي أثبتناها من قبل:
📌كل ما مررنا به في عالمنا الرقمي هو "ماضي قريب" وكل ما سنمر عليه ما هو إلا "مستقبل قريب".
*الأستثمار في العلوم التقنية خطورته في أول خطوة تم التحرك إليها، لأن أول خطوة بتكون أهم خطوة وأكثرها كلفه وبعدها سلسلة من التطوير المستمر علي أمل الحفاظ علي صورة ومكانة "الخطوة الأولي" أستثمارات بمليارات الدولارات ميصحش تطير في الهواء.

امبارح مارك زوكربرج اجتمع بمئات المدراء في ميتا
وقالهم بكل هدوء:

" ياجماعة احنا مضطرين نبدأ يوم الأربع ((انهاردة))
حملة اقالات ضخمة عشان نقلل نفقات وتكاليف
ونقدر نكمل الفترة الجاية..
أكتر قطاعين هيتضرروا قطاع التوظيف وقطاع البيزنس
كل الموظفين اللي هيتسرحوا هياخدوا 4 شهور تعويض..

أنا بتحمل المسؤولية كاملة عن الوضع الحالي
تفاؤلي الزيادة وطموحي ان الشركة هتتوسع بشكل كبير
وسريع خلاني اوسع معدل التوظيف ونكبر الشركة بسرعة
بس كل ده كان غلط"

كمان نص ساعة من دلوقتي.. الساعة واحدة الضهر توقيت القاهرة
هتبدأ حملة إقالات في ميتا..

الصبح دخلت موقع Blind اللي بيكتب عليه موظفين من كل شركات
العالم عشان ينتقدوا شركاتهم بشكل آمن ويحكوا اللي بيحصل جواها
لقيت موظف في ميتا كاتب ان هو مخنوق من انه منتظر انه يتسرح
منتظر يخسر شغله في أكتر شركة حبها، وشايل هم انه يدور على شغل
دلوقتي، كان نفسه يسيبوه لأول السنة الجاية بس عشان يمكن الوضع يتحسن في السوق
بس أكتر حاجة مدايقاه فعلا هي نظرة الناس ليه على انه موظف في ميتا
وقال نصا:

" احنا مشتغلناش في ميتا عشان أي حاجة غير انها بتدفع كويس.. احنا موظفين وبس"

اللي بيدفع تمن أخطاء الشركات دايما الموظفين
مش صاحب الشركة
ولا المديرين التنفيذيين
ولا حتى المستثمرين اللي شايفين ملياراتهم بتطير

الموظف اللي بيستنى رسالة المرتب هو ده اللي بيحاسب ع المشاريب دايما!

وللأسف فعلا،
القادم أسوأ يا مارك! 🤷

صباحكم فُل 😄

📌حلو جدا... طب وبعدين،
#هبسطهالك

زمان كانوا بيقولولنا من لا يمتلك قوت يومه.. لا يمتلك قراره.

أما في زماننا هذا أصبح من لا يمتلك شبكة البيانات وطرق نقل البيانات ووسائل أمان البيانات... لن يمتلك قوت يومه ولن يمتلك قراره.