Open mind

والدة مصطفى زيكو:

مكانش بيطيق حد يقولي كلمة أو يزعلني، انا فرحانة بالمكانة اللي هو فيها بس الكورة لهته عني كتير، شغله بقى وهو واحشني جدا، مجاليش لسة بعد أمريكا عشان الاحتفالات، كل شوية بيتصل عليا، الاحتفالات واخداه مني، بيفضل شغله عن الحياة الأسرية، وأي لاعب كده، يارب ييجي، اتصلت بيه وقولتله نفسي أروح الاستاد وأقابلك هناك طالما مش فاضي تيجي قالي هتبقى بهدلة وناس كتير، اقوله طب هتيجي امتى يقولي هخلص الاحتفالات وهجيلك، انا كنت في حياته رقم واحد ودلوقتي مراته بقت رقم واحد وانا رقم اتنين، وراضية وقابلة، انا متحضرة ومتعلمة مش جاهلة، هو راجع على احتفالات ولقاءات وكان بيحضر نفسه ويشتري لبس، بس انا فرحانة بيه ده ابني وانا اللي مربياه

لما مدرب منتخب إسبانيا بعد ما يكسب منتخب فرنسا و يجيب سيرة منتخب مصر كده يبقى لازم الكل يسمع !!!! لويس دي لا فوينتي مدرب منتخب إسبانيا اللي إتأهل للمباراة النهائية في كاس العالم تخيل إنه بيؤكد إن السبب الرئيسي في إن منتخب إسبانيا يكون في نهائي كأس العالم 2026 هو الماتش الودي اللي لعبه أمام منتخب مصر قبل كاس العالم بكام شهر بيؤكد إن الماتش ده لما منتخب مصر نجح إنه يتعادل معاه رغم إن الماتش كان في إسبانيا أثبتله إن فيه حاجات كتير لازم تتعدل في الفريق قبل بداية المونديال و بالفعل عمل تغييرات كتير في كل حاجة من ساعتها و النتيجة أهي إن منتخب إسبانيا وصل ماتش النهائي !!!!

المدرب دي لا فوينتي اللي كسب كاس أمم أوروبا مع منتخب إسبانيا و شكله كده قريب هيكسب كاس العالم كمان تخيل إنه شايف إن حسام حسن من أحسن المدربين اللي لعب أمام فرقهم في مسيرته التدريبية كلها حاجة كده حرفياً المفروض تكون فخر ل حسام و الجهاز الفني ل منتخب مصر كله !!!!

أهو بسبب التصريحات الحلوة أوي دي من مدرب منتخب اسبانيا خلاص كده جماهير منتخب مصر كلها هتشجع المنتخب الإسباني في نهائي كأس العالم و خد بالك كمان لما اسبانيا تكسب كاس العالم هيتقال إن منتخب مصر هو المنتخب اللي اتعادل مع بطل كاس العالم قبل بداية البطولة تخيل !!!!