A To Z

لما الCowboys يفتحوا مطعم في مصر 😍 يبقى هي دي النتيجة

المكان: Bandidos Cafe & Restaurant

اول ما تدخل المكان هتحس انك سافرت لحقبه زمنية مختلفة✈️

وكل جزء هتقع عليه عينك هتلاقي تفاصيل تدهشك من الحيطان الي كلها طوب احمر و خشب و قبعات و مسدسات وبنادق وجلد البقر و اسهم و رماح و رسومات حتى الترابيزات نفسها عليها شمع شكله غريب كده و الكراسي عليها نقوشات و هتلاقوا دايما في موسيقى و اغاني امريكي هادية تدخلك في المود اكتر ولو اندمجت اوي في جيتار ممكن تبدع بيه 😍🎸

عندهم كمان قاعدات outdoor حلوة وسط الزرع و الورد و نورها هادي كده و في ترابيزة بلياردو و طاولة لزوم اللعب و الروقان 💃

في رمضان هما عاملين منيو شرقي للفطار و السحور بس على طريقه ال Cowboys

يعني مثلا هتلاقي الفرخه المشويه نازله و في سهم راشق فيها و الطواجن نفسها هتلاقيها ملسوعه بالنار كده و تحسها متسويه على حطب وبتجيلك سخنه جدا و بتبقلل كده و بتغلي حرفيا

ها عاملين و جبات للفطار كل وجبه فيها مشروب رمضاني كركديه بقه سوبيا او تمر هندي و شوربه لسان عصفور و سلطه و سمبوسة و حلويات و طبعا الطبق الرئيسي الي فيها تنوع كبير من المشاوي و طواجن اللحم و الفراخ و السي فود 😋

و بالنسبة للسحور عاملين 3 وجبات اسمهم اوجي و روكو و بوتش 🤠

الاكل عاما كان جميل و في طابع شرقي بيتي امريكي مختلف 😅👌

العنوان: شارع ١٢ - متفرع من عمر بن الخطاب - الحي الخامس - التجمع الخامس

التليفون: 01092488130 - 010225612931

المنيو:👈 shorturl.at/gizJ

في رمضان ب ١٢٠ جنيه بس ممكن تفطر سمان مشوي و كفتة و بشاميل و رقاق باللحمة و محاشي و سلطات و و و 😂
المكان : براد شاي

من الاماكن اللي بتقدس طقوس رمضان و بتتلون حرفيا بلون رمضان و بتتملي باجواء رمضانية جميلة المكان بيتحول بالكامل بداية من مفارش الترابيزات لحد العواد و المزيكا و تفاصيل الديكور 😍
متعودين ان رمضان شهر الكرم فعملولنا اوبن بوفيه حلو جدا مليان اشكال و الوان من الاصناف اللي تتخيلها 😋
طبعا ديكور المكان و الوانه بيشجع جدا علي اللمة و بيكون مكان مميز جدا لصناعة الذكريات خصوصا اننا في ىمضان و رمضان بيحب اللمة فعملو دورات طاولة😍 و دورات PlayStation ده غير انهم بيعملو Ramadan Nights باجوائها بقي ⁦❤️⁩

اوبن بوفيه الفطار ب ١٢٠ جنيه ⁦❤️⁩
-محاشي , كفته , مكرونة باشميل , رز , شوربة كريمة , لسان عصفور , رقاق باللحمة المفرومة , سمان مشوي , شعرية بالفراخ الكريسبي , فراخ بالكريمة , عصاير رمضان , سلطات , سمبوسك , ممبار و الحلو كنافة بالكريز و الكريم شانتي

و في اصناف اكسترا ممكن تبقو تسألو عليها في منيو عموما غير الاوبن فيه لرمضان 😋

اكيد مكان زي ده بيعشق اجواء رمضان لازم يحتوي علي سحور 😍
في عنده Offer بخصوص السحور بقي ب ٥٠ جنيه
فول و طعمية و جبنة بالطماطم و بيبقي في اصناف سحور كتير بقي اكسترا

بوجه عام المكان عنده خبرة قوية خصوصا في المناسبات و من الاماكن اللي تشجعك علي الخروج في قيمة مضافة علي الاسعار بالرغم من كده المكان اسعاره رخيصة و معقولة و ده شئ جميل ⁦❤️⁩

لو حابين تاخدو فكرة اكبر عن تجربتنا خدو لفة في الصور منيو رمضان : http://imgur.com/SOy5zRB
العنوان : 30 شارع عبد المنعم رياض متفرع من شارع البطل احمد عبد العزيز - الدقي
التليفون : 01200035888 - 0237611789 اللوكيشن : https://goo.gl/maps/azeuPRo4fGGd5ok87

المكان Shobak Habibi

معروف ان رمضان بيخرج أي حد عن كيانه وبينما احنا رايحين المكان ده ومتخيلين اننا هنفطر فطار سمبتيك اتفاجئنا بموزة ملبسة ومشاوي وأكل حرش من اللي قلبك يحبه 🤤 المكان ديكوره classy اوي والوانه مبهجة وكله شبابيك ملونة هتحسسك انك في بيت لبناني خصوصا علشان مليان ورد في كل ركن ومحاوطه الزرع والشجر من كل مكان وموجود في شارع ٩ في المعادي وأول ما بتلمحه بتحس انه مختلف عن اي مكان حواليه وكأنه في الركن البعيد الهادي فعلا 😍 وتخيل لو بعد كل ده لقيت عربية فول في استقبالك في مدخل المكان وزينة رمضان في كل حتة وكأن المكان اتشقلب علشان يكيفنا زيادة 🤩 وعاملين اوفر علي السحور ب ٩٦ جنيه بس وانت قاعد في مكان بالشياكة دي ❤️
بمجرد ما بتدخل بتلاقي بوفيه كامل متكامل للشوربة والسلطات بتختار اللي يعجبك وبتقعد متلهف لحد ما اكلك يجيلك وهنا ندخل علي التقيل بقي والموز والمشاوي وهتلاقي حاجات خفيفة كمان زي البيف فيليه وبيف استراجنوف ولو عايزين تعرفوا اكتر عن الحاجات اللي جربناها هتلاقوا وصف ليها مع الصور 😍

العنوان: شارع 9 - المعادي - قريب من ماكدونالدز
التليفون: 01272722259
المنيو: https://m.facebook.com/story.php?story_fbid=623581914820130&id=381824445662546&fs=0&focus_composer=0