AlGalala

#الجلالة
#صاحبةـالجلالة
#صاحبةالسعادة

"سرطان" المجتمع المصري
"ما تقلقش.. الموضوع ليه ناسه"، كل مرة تسمع الجملة دي، اعرف أنك أمام الوجه الآخر لمرض اسمه الوساطة، مرض اجتماعي مش بس بيأكل في فرص الشباب، لكنه بيهدم ثقة المواطن في العدالة وفي الدولة، مرض بيحول القاعدة الذهبية "من جدّ وجد" إلى "اللي ليه ضهر ما ينضربش على بطنه".
في مكاتب التوظيف الحكومية، واجراءات الترقي في العمل، في لجان القبول بالجامعات والمدارس، في مجالات تقديم أفكار العمل والمشروعات، وحتى في المستشفيات اللي المفروض أبوابها مفتوحة للجميع.. الوساطة بتلعب الدور الحاسم؛ شاب متفوق يتخرج من كلية الهندسة بدرجات الامتياز، فيتفاجأ بزميله اللي جايب مقبول واخد وظيفة في إحدى الهيئات المرموقة.. ليه؟ لأن والده "بيعرف الناس الصح".!
والوساطة مش بس في الوظايف.. دي كمان بتدخل بيت كل واحد فينا، امتحانات ابنه ممكن تتحل بالتليفون، أو حتى دور على عملية جراحية ممكن يتأجل لشخص غلبان عشان واحد واصل دخل قبله.
الأخطر من كده إن الظاهرة دي مش مجرد سلوك فردي، لكنها بتتحول مع الوقت لـ ثقافة عامة. يعني بدل ما المجتمع يحاربها، الناس بتعتبرها وسيلة طبيعية للحياة: "هو أنا أقل من غيري؟ لو الكل بيعمل كده، يبقى أنا كمان لازم أعمل".. وهنا الكارثة.
النتيجة؟ مجتمع مقلوب الهرم؛ اللي يستحق ما يوصلش، واللي ما يستحقش يبقى في الصفوف الأولى، شباب بيفقد الأمل، وكفاءات بتهاجر، ومواطنين بيفقدوا الثقة في القانون، فيتحولوا تدريجياً لليأس واللامبالاة.
لكن هل الحل مستحيل؟ لأ.. الحل يبدأ من الاعتراف إن الوساطة مش "شطارة" لكنها جريمة أخلاقية ضد المجتمع، محتاجين قوانين واضحة وصارمة ضدها، شفافية في التعيينات والمعاملات، ومحتاجين كمان تغيير في وعينا المجتمعي.. محتاجين إننا نربي ولادنا على فكرة إن اللي بياخده بالواسطة، فهو سرق حق غيره، لازم نعرفهم ــ ونعرف أحنا كمان ــ أن الوساطة مش مجرد "خدمة بسيطة".. دي خيانة لثقة مجتمع كامل.



أيمن فاروق
مدير تحرير الأهرام
رئيس تحرير الجلالة
خبير الشأن المجتمعي وتحليل سلوك المواطن

مزايدة نارية على لوحة سيارة مميزة في مصر: سعرها يقارب 300 ألف جنيه!
#الجلالة
#صاحبةـالجلالة
للتفاصيل:

مزايدة نارية على لوحة سيارة مميزة في مصر: سعرها يقارب 300 ألف جنيه! شهدت بوابة مرور مصر الإلكترونية مزايدة ساخنة على لوحة معدنية مميزة للسيارات، حيث وصل سعر لوحة «أ د م 1112» إلى 295 ألف جنيه، ويتنافس عليها حتى الآن 3 أشخاص. من المقرر أن ت...

مواعيد قطارات القاهرة أسوان: دليلك الشامل لصيف 2025 | الأسبوع
#الجلالة
#صاحبةـالجلالة
للتفاصيل:

مواعيد قطارات القاهرة أسوان: دليلك الشامل لصيف 2025 | الأسبوع مع اقتراب ذروة موسم الصيف وزيادة حركة السفر، أعلنت الهيئة القومية لسكك حديد مصر عن مواعيد قطارات خط القاهرة - أسوان، شاملةً القطارات المكيفة والروسية والإسبانية وق....