I Fit Corner

📌كوتش انا عملت in body وعاوز افهم ايه اللي مكتوب؟؟؟!

سؤال كتير بنسمعه فدا تقريبا ملخص اغلب المفاهيم ف اي قياس in body 👌

▪️اولا: الوزن Weight : وزنك بالكجم..والجهاز بيوضح اذا كان وزنك طبيعي او اقل او ازيد من الطبيعي بغض النظر عن حجم العضلات والدهون.

▪️ثانيا: وزن العضلات Muscle Mass : وزن الكتله العضليه بالكجم..وده مؤشر مهم جدا لو بتتابع ضخامتك العضليه.

▪️ثالثا: Body Fat Mass : و هو وزن الدهون في جسمك بالكجم...وده طبعا لازم تخلي بالك منه يعني لو over لازم يبقي هدفك تقليل الدهون.

▪️رابعا: TBW : وزن المياة بالجسم Total body water..وده لازم يبقي ف المعدل الطبيعي.

▪️خامسا: Protein : كمية البروتين داخل خلايا الجسم وده مؤشر مهم للصحة ..15% من وزن الأنسان من البروتين ..فلو النسبه اقل من الطبيعي لاقدر الله يبقي لازم تكشف.

▪️سادسا: FFM : أو Fat Free Mass و ده وزن الكتلة اللادهنية أو LBM ..يعني “وزن الجسم مطروح منه وزن الدهون”.

▪️سابعا : او TBM أو Total Body Mineral . وده مؤشر لصحة جسم الأنسان و سلامة العظام.

▪️ثامنا: BMI : او Body Mass Index أو مؤشر كتلة الجسم. و ده وزن الجسم مقسوم على مربع الطول بالمتر.

▪️تاسعا: PBF : أو Percent Body Fat . و هي نسبة الدهون بالجسم . و ممكن حسابها عن طريق قسم وزن الدهون على وزن الجسم الكلي.

▪️عاشرا: WHR : أو Waist-Hip Ratio و دي النسبة بين محيط الخصر و الحوض معتمد على توزيع الدهون ف البطن و الأرداف...وده قياس مهم جدا.. الرقم لو أعلى من 0.85 للراجل أو اعلى من 0.9 للمرأة يدل على أن الجسم في شكل تفاحة و هو شكل الجسم المعرض لأمراض خطيرة زي امراض السكر و القلب و السرطان لاقدر الله.

▪️الحادي عشر: BMR : و ده معدل الأيض الأساسي او الحرق..وده اللي احنا بنشتغل عليه لما بنعمل نظام غذائي .

▪️الثاني عشر : Nutritional Evaluation : وده ملخص لحالة المتدرب ..اذا كانت قياسته طبيعية او منخفضه أو عالية.


▪️الثالث عشر :Fitness score : هي النتيجة النهائية أو ملخص التقرير للشخص تقييم لحالته الجسدية .

لو 70 أو أقل : شخص ضعيف أو بدين و يحتاج دايت و رياضة

لو 70 إلى 90 : شخص في حالة صحية و جسدية طبيعية

لو أعلى من 90 : شخص صحته ممتازة و كتلته العضلية كبيرة