Cairo Confessions

223699
: Follow us on
Mood:😔
Female, 40 confesses:
"عارفين لما يكون فى شخص هو بالنسبة لكم البيت، الأمان الى بتروحوه عليه ، اما الدنيا كلها تبوظ بتكون عايز تروح. أنا كنت شايفاه كدة، اعرفه من 14 سنة ، اخر اربع سنين فيهم تقريبا كانوا اسوأ سنين متقابلانش كتير ، بس كانوا اصعب مما اى حد يتخيل، كنا مرتبطين زمان فترة طويلة وسنين كتير وهو مشي ، وانا هربت وبعدت بس كان نفسي ارجع للأمان للبيت للإحساس الي كنت بلاقيه معاه، إما رجعت كل حاجة باظت ، هو دلوقتى اتجوز وانا عرفت بالصدفة ، بس من ساعتها الأرض اتهزت من تحتى، حياتى مش واقفة ماشية بس ماشية وانا فيها بجسمي بس روحي ميتة ، عقلي مش قادر يستوعب، ساعات بغضب من نفسي ، انى كنت ليه واقفة فى المكان الغلط ليه ضيعت كل السنين دى من عمرى، بس ساعات بكون غضابنة منه، الغضب مش بيريح ، بس أنا نفسي أكمل وانسى نفسي ارتاح، نفسي فى عوض ربنا ، نفسي أنا كمان ابقى زيه وأشوف حياتى، الفيديو الي شفته وهو بيرقص في فرحه مش بيفارق خيالي هو مبسوط وحابب الي هو فيه بس أنا الى واقفة ، عيد ميلادى الاربعين بكرة ، يعنى معنديش سنين تانى اضيعها من عمرى."

223677
: Follow us on
Mood:😔
Male, 32 confesses:
"طب دلوقتي انا واحد عايش حياتي شغل والحمد لله ناجح فيه الي حد كبير وكنت مقرر اني مش قد مسئولية لا الجواز ولا الاطفال ومش بحب الاطفال اصلا وعايش حياتي لحد ما اخويا ومراته ماتوا وطبعا المسئول عن مصاريف ولاده هو العم اللي هو انا ومش متخيل غير ان اخويا كمان عشان تقريبا كان بينتقم مني طلع عليه ديون وانا اللي مطالب اسدد الديون دي عشان البيه كان غاوي منظره ويعيش ولاده في مستوي اعلي بكتير من امكانياته وفي الاخر هو مات وارتاح منها ولبستها انا
هو الفكرة اني فعلا مش فاهم حكمها في الدين انا كعم مختارتش اخويا ولا اختارت ولاده ليه الدين يفرض عليا مسئولية ناس مختارتهاش ده انا عشان مظلمش حد عشان عارف اني مش بتاع جواز مقرر اني مش هتجوز ولا اخلف يقوم يطلعلي موضوع اخويا ده منين
والمصيبة انهم التلاته في اميريكان وانا بصراحة معنديش استعداد اصرف كل فلوسي ومرتبي علي ولاد مش ولادي انا عايز انقلهم لمدارس لغات قليلة او تجريبي بس الكل عمال يضغط عليا بكلام رومانسي وعن الثواب بس معلش ربنا مقالش ادخل مدارس اميريكان واخويا كان بيستلف ويتداين عشان دول ولاده هو لكن انا اضحي تضحية الاب الاصلي ليه عشان ولاد مش ولادي في الاخر ولا اختارتهم حد يقولي ثوابك كبير هقوله انا كده كده بصرف عليهم بس عشان اعيشهم في مستوي اللي كان ابوهم مهيشهم فيه هعمل زيه هستلف ويبقي عليا قروض وربنا مقالش كده حد هيقولي ممكن يبقوا سندك لما تكبر هرد وممكن لأ ودار المسنين تشهد وممكن اصلا معيشش لحد نا اكبر ويبقوا سند هبقي استفد ايه
غير ان العيال دي اشقيا جدا جدا وانا كشخص بيكره الاطفال مش مستحمل ده
انا المفروض اتعامل معاهم ازاي بجد اكبرهم 10 سنين واصغرهم 4 سنين هم تلاته وأمي ست كبيرة متقدرش تراعيهم انا بعمل اللي اقدر عليه معاهم انا كده كده لابسهم الامر الواقع وانا راجل عملي وهتبقي stigma بس برضه مش مقتنع اني ملزم اعيشهم في نفس المستوي اللي كان معيشهم فيه ابوهم ولا استحمل منهم اللي كان ابوهم وامهم بيستحملوه باختصار لان ده ابوهم الاصلي لكن انا عمهم اللي هم اتفرضوا عليه انا مش عارف امشي الدنيا معاهم ازاي
يعني الواحد اختار يعيش في روقان طلعله مصيبة من حيث لا يعلم الواحد يعمل ايه عشان يعيش حياته بعيد عن القرف"